|
ຕາມຂ່າວສານຊິນຮວາ:ໃນໜັງສືພິມວໍຊີງຕັນໂພສ໌ສະບັບວັນທີ20ມິຖຸນາ,ທ່ານອານ ຣູບາຍ ທີ່ປຶກສາຄວາມປອດໄພແຫ່ງຊາດອີຣັກໄດ້ພິມບົດຄວາມຊີ້ອອກວ່າ,ອີຣັກຕ້ອງຍ່າງອອກຈາກເງົາຂອງອາເມລິກາແລະປະເທດພັນທະມິດຂອງອາເມລິກາ,ເປັນເຈົ້າຕົນເອງ,ແກ້ໄຂບັນຫາປະເທດຕົນເອງດ້ວຍແບບວິທີຂອງຕົນ.
ທ່ານອານ ຣູບາຍເວົ້າວ່າ,ບຸກຄົນສຳຄັນທາງການເມືອງຕ່າງປະເທດທີ່ມີອິດທິພົນຈຳນວນໜຶ່ງຢາກຊັກໃຫຍ້ນະໂຍບາຍຂອງລັດຖະບານຊຸດໃໝ່ອີຣັກດ້ວຍວິທີແບບຍັດອາຫານໃຫ້ເປັດກິນ,ເຖິງວ່ານີ້ອາດຈະແມ່ນດ້ວຍຄວາມປາຖະໜາດີ,ແຕ່ຖ້າເຮັດແນວນີ້,ເບິ່ງຈາກໄລຍະຍາວໄກແລ້ວມີແຕ່ຈະບັ່ນທອນລັດຖະບານອີຣັກເທົ່ານັ້ນ,ເຮັດໃຫ້ອີຣັກອາໄສຕ່າງປະເທດຫຼາຍກວ່າເກົ່າ.
ທ່ານຣູບາຍກ່າວວ່າ,ຫວັງວ່າທະຫານອາເມລິກາປະຈຳອີຣັກຄົງຈະຫຼຸດຈາກ1ແສນ3ໝື່ນກວ່າຄົນໃນປັດຈຸບັນລົງເຫືຼອບໍ່ຮອດ1ແສນຄົນພາຍໃນປີນີ້,ແລະຫວັງວ່າຮອດທ້າຍປີໜ້າ,ອາເມລິກາຈະຖອນທະຫານສ່ວນຫຼາຍອອກຈາກອີຣັກ.
|
