|
ຮອງລັດຖະມົນຕີການຕ່າງປະເທດຈີນກ່າວວ່າ, ຈີນຈະສືບຕໍ່ຊຸກຍູ້ພາລະກິດສິດທິມະນຸດຂອງປະເທດຕົນຢ່າງຮອບດ້ານ
cri
Author: mo
ຕາມຂ່າວCRI: ວັນທີ 20 ມິຖຸນາ, ຢູ່ທີ່ເຊີແນວ, ທ່ານຢາງເຈສື ຮອງລັດຖະມົນຕີການຕ່າງປະເທດຈີນກ່າວວ່າ, ຈີນຈະອີງຕາມຫລັກການ"ລັດເຄົາລົບແລະຮັບປະກັນສິດທິມະນຸດ"ໃນລັດຖະທຳມະນູນ, ສືບຕໍ່ຊຸກຍູ້ພາລະກິດສິດທິມະນຸດຂອງປະເທດຕົນຢ່າງຮອບດ້ານ.
ໃນເວລາປະກອບຄຳຄິດຄຳເຫັນໃນກອງປະຊຸມຄັ້ງປະຖົມມະເລີກຂອງສະພາສິດທິມະນຸດຂອງສະຫະປະຊາຊາດ, ທ່ານຢາງເຈສືກ່າວວ່າ, ໃນ 28 ປີແຕ່ດຳເນີນການປະຕິຮູບແລະໄຂປະຕູສູ່ພາຍນອກມານີ້, ຊີວິດການເປັນຢູ່ຂອງປະຊາຊົນຈີນໄດ້ບັນລຸກ້າວຂ້າມກະໂດດຄັ້ງປະຫວັດການສອງຄັ້ງຄືຈາກຄວາມທຸກຍາກຮອດການກິນອີ່ມນຸ່ງອຸ່ນ, ຈາກການກິນອີ່ມນຸ່ງອຸ່ນຮອດລະດັບເຫຼືອກິນເຫຼືອໃຊ້; ປະຊາຊົນມີຄວາມເສລີທີ່ບໍ່ເຄີຍມີມາກ່ອນໃນດ້ານຕ່າງໆເຊັ່ນ ການຍົກຍ້າຍ ເລືອກເອົາວຽກເຮັດງານທຳ ຂໍ້ມູນຂ່າວສານ ການເຊື່ອຖືແລະເລືອກເອົາແບບວິທີດຳລົງຊີວິດເປັນຕົ້ນ. ຈີນໄດ້ປະກອບສ່ວນສຳຄັນເຂົ້າໃນພາລະກິດສິດທິມະນຸດຂອງໂລກ.
|
|
