|
ປະທານາທິບໍດີອິຣັກເຫັນດີນຳຂໍ້ລິເລີ່ມກ່ຽວກັບຄວາມປອງດອງຊາດ
cri
ຕາມຂ່າວCRI,ວັນທີ21ມິຖຸນາ,ຢູ່ແບກແດດຫຼັງຈາກກອງປະຊຸມສາມຝ່າຍຄືສຳນັກງານປະທານາທິບໍດີ ຄະນະລັດຖະບານແລະສະພາແຫ່ງຊາດສິ້ນສຸດລົງແລ້ວ,ທ່ານທາລາບານີ ປະທານາທິບໍດີອີຣັກໄດ້ປະກາດຕໍ່ສື່ມວນຊົນວ່າ,ທ່ານເຫັນດີນຳຂໍ້ລິເລີ່ມກ່ຽວກັບຄວາມປອງດອງຊາດທີ່ທ່ານມາລີຄີ ນາຍົກລັດຖະມົນຕີອີຣັກ ສະເໜີອອກມາ.
ທ່ານທາລາບານີເວົ້າວ່າ,ຂໍ້ລິເລີ່ມດັ່ງກ່າວແມ່ນແບບເປີດປະຕູ,ແນໃສ່ຊາວອີຣັກທັງປວງ,ກໍລວມທັງອົງການປະກອບອາວຸດຕ້ານລັດຖະບານທີ່ບໍ່ໄດ້ກໍ່ໂທດກຳຕໍ່ປະຊາຊົນ,ການບັນລຸຄວາມປອງດອງຊາດຍ່ອມຈະເສີມຂະຫຍາຍບົດບາດ ທີ່ຕັ້ງໜ້າຊຸກຍູ້ຂະບວນວິວັດທາງການເມືອງຂອງອີຣັກຢ່າງບັງເກີດຜົນແນ່ນອນ.
ຕາມໄດ້ຊາບ,ວັນທີ25ມິຖຸນາ,ທ່ານມາລີຄີຈະກ່າວຄຳປາໄສຢູ່ສະພາແຫ່ງຊາດອີຣັກ,ປະກາດເນື້ອໃນລະອຽດຂອງຂໍ້ລິເລີ່ມກ່ຽວກັບຄວາມປອງດອງຊາດ.
|
|
