|
|
 |
| (GMT+08:00)
2006-06-23 11:36:45
|
 |
|
ທິມອີຕາລີ ການາແລະອົສຕຼາລີເຂົ້າຮອບ16ທິມເກັ່ງ
cri
ຕາມຂ່າວCRI,ວັນທີ22ມິຖຸນາເວລາທ້ອງຖິ່ນ,ການແຂ່ງຂັນຮອບສຸດທ້າຍຂອງສາຍEແລະສາຍFຂອງງານແຂ່ງຂັນບານເຕະຊີງຂັນໂລກເຢຍລະມັນໄດ້ສິ້ນສຸດລົງ.ທິມອີຕາລີ ທິມການາແລະທິມອົສຕຼາລີໄດ້ເຂົ້າຮອບ16ທິມເກັ່ງ.
ໃນການແຂ່ງຂັນລະຫວ່າງທິມອີຕາລີກັບທິມເຊັກຂອງສາຍE,ທ້າວມາເທີຣາຊີແລະທ້າວອິນຈາກີຂອງທິມອີຕາລີຕ່າງໄດ້ຍິງເຂົ້າປະຕູໜຶ່ງ,ສະນັ້ນທິມອີຕາລີຈຶ່ງໄດ້ເອົາຊະນະທິມເຊັກດ້ວຍຄະແນນ2ປະຕູຕໍ່1,ແລະເຂົ້າຮອບໃນຖານເປັນທີໜຶ່ງຂອງສາຍ,ທິມເຊັກໄດ້ຕົກຮອບ.ໃນການແຂ່ງຂັນອີກນັດໜຶ່ງຂອງສາຍE,ທິມການາທີ່ເຂົ້າຮ່ວມງານແຂ່ງຂັນບານເຕະຊີງຂັນໂລກເປັນເທື່ອທຳອິດໄດ້ເອົາຊະນະທິມອາເມລິກາດ້ວຍຄະແນນ2ປະຕູຕໍ່ໜຶ່ງ,ຈຶ່ງກາຍເປັນທິມອາຟຼິກາທິມທຳອິດທີ່ເຂົ້າຮອບ 16ທິມເກັ່ງໃນງານ ແຂ່ງຂັນບານເຕະຊີງຂັນໂລກຄັ້ງນີ້.
ກ່ອນໜ້ານີ້,ທິມເບຼຊິນຂອງສາຍFໄດ້ເຂົ້າຮອບກ່ອນໝູ່ຍ້ອນໄດ້ຊະນະສອງນັດ,ໃນການແຂ່ງຂັນກັບທິມຍີ່ປຸ່ນໃນວັນທີ22ມິຖຸນາ,ທິມເບຼຊິນໄດ້ເອົາຊະນະທິມຍີ່ປຸ່ນດ້ວຍຄະແນນ4ປະຕູຕໍ່1,ທິມຍີ່ປຸ່ນຈຶ່ງໄດ້ຕົກຮອບ.ໃນການແຂ່ງຂັນນັດສຳຄັນທີ່ຈະຕັດສິນວ່າ ທິມໃດໃນສາຍFຈະເຂົ້າຮອບນັ້ນ,ທິມອົສຕຼາລີໄດ້ສະເໝີກັນກັບທິມໂກຼອາຊີດ້ວຍຄະແນນ2ປະຕູຕໍ່2ແລ້ວ,ຈຶ່ງໄດ້ເຂົ້າຮອບ16ທິມເກັ່ງຂອງງານແຂ່ງຂັນຊີງຂັນໂລກເປັນຄັ້ງທຳອິດໃນປະຫວັດສາດ.
ວັນທີ23ມິຖຸນາເວລາທ້ອງຖິ່ນ,ງານແຂ່ງຂັນຊີງຂັນໂລກຄັ້ງນີ້ຈະຈັດການແຂ່ງຂັນຂອງສອງສາຍສຸດທ້າຍ,ຮອດເວລານັ້ນການແຂ່ງຂັນໃນສາຍຈະສິ້ນສຸດລົງໝົດ.
|
|
|
