|
ກອງທະຫານປະສົມປະຈຳອີຣັກເລີ່ມຖອນອອກຈາກແຂວງມູທັນນາ ພາກໃຕ້ອີຣັກ
cri
Author: min
ຕາມຂ່າວ CRI: ວັນທີ 22 ມິຖຸນາ, ທ່ານໂມຮາເມັດ ອານ ຮາຊານີ ເຈົ້າແຂວງແຂວງມູທັນນາ ພາກໃຕ້ອີຣັກປະກາດວ່າ, ແຕ່ວັນທີ 22 ມິຖຸນາເປັນຕົ້ນໄປ, ກອງທະຫານປະສົມປະຈຳອີຣັກຈະຖອນອອກຈາກແຂວງດັ່ງກ່າວ, ແລະຈະມອບສິດຄວບຄຸມຄວາມປອດໄພໃຫ້ຝ່າຍອີຣັກເທື່ອລະກ້າວ, ຈະສຳເລັດແຜນການຖອນອອກແລະມອບສິດຄວບຄຸມຄວາມປອດໄພຕ້ອງການເວລາ 1 ເດືອນຂຶ້ນໄປ.
ອາທິດນີ້, ທ່ານເດສ ບຼານ ລັດຖະມົນຕີກະຊວງປ້ອງກັນປະເທດອັງກິດເຄີຍກ່າວວ່າ, ຫຼັງຈາກກອງທະຫານປ້ອງກັນຄວາມປອດໄພຂອງອີຣັກໄດ້ຮັບເອົາສິດຄວບຄຸມແລ້ວ, ທະຫານອັງກິດປະຈຳອີຣັກຍັງຈະຕິດຕາມຄວບຄຸມສະຖານະການຄວາມປອດໄພຂອງແຫ່ງດັ່ງກ່າວ.
ແຂວງມູທັນນາແມ່ນແຂວງໃຫຍ່ກວ່າໝູ່ຢູ່ພາກໃຕ້ອີຣັກ. ກ່ອນໜ້ານີ້, ແຂວງດັ່ງກ່າວໄດ້ຖືກທະຫານອັງກິດ, ໂອສຕຼາລີແລະຍີ່ປຸ່ນຄວບຄຸມ.
|
|
