|
|
 |
| (GMT+08:00)
2006-06-23 17:38:38
|
 |
|
ກອງປະຊຸມລັດຖະມົນຕີກະຊວງສາທາລະນະສຸກຈີນອາຊຽນຄັ້ງປະຖົມມະເລີກໄຂຂຶ້ນຢູ່ມຽນມາ
cri
Author: mo
ຕາມຂ່າວສານຊີນຮວາ: ວັນທີ 22 ມິຖຸນາ, ກອງປະຊຸມລັດຖະມົນຕີກະຊວງສາທາລະນະສຸກຈີນອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ເມືອງຢາງກຸງແຫ່ງມຽນມາ, ກອງປະຊຸມໄດ້ໂຮມສູນຫາລືບັນຫາຕ່າງໆເຊັ່ນການປ້ອງກັນແລະຄວບຄຸມໂຣກເອດ ໄຂ້ຫວັດນົກແລະພະຍາດຕິດແປດທີ່ເກີດຂຶ້ນໃໝ່ເປັນຕົ້ນ.
ໃນກອງປະຊຸມ, ທ່ານວາງລົງເຕີ ຮອງລັດຖະມົນຕີກະຊວງສາທາລະນະສຸກຈີນກ່າວວ່າ, ປະຊາຄົມໂລກພ້ອມກັນດຳເນີນການຮ່ວມມືແລະການແລກປ່ຽນທີ່ເລິກເຊິ່ງກວ່າເກົ່າແລະມີເນື້ອໃນທາດແທ້ກວ່າເກົ່ານັ້ນ, ຈະສາມາດປ້ອງກັນແລະຄວບຄຸມບໍ່ໃຫ້ພະຍາດຕິດແປດທີ່ເກີດຂຶ້ນໃໝ່ລະບາດຢ່າງບັງເກີດຜົນ. ທ່ານໄດ້ສະເໜີຂໍ້ສະເໜີ 3 ຂໍ້ຂອງຝ່າຍຈີນ.
ອີງຕາມບົດລາຍງານສະຫຼຸບຂອງກອງປະຊຸມ, ຈີນເຫັນດີຜ່ານຮັບຮອງມູນນິທິຮ່ວມມືສາທາລະນະສຸກຈີນອາຊຽນ, ຕັ້ງໜ້າເພິ່ມທະວີການຮ່ວມມືກັບອາຊຽນໃນຂົງເຂດສາທາລະນະສຸກ.
ໃນງານຊຸມນຸມນັກຂ່າວທີ່ຈັດຂື້ນຫຼັງກອງປະຊຸມ, ທ່ານວິນຟິຼໂດ ວິນລາໂກຕາ ຮອງເລຂາທິການໃຫຍ່ອາຊຽນໄດ້ຕີລາຄາກອງປະຊຸມຄັ້ງນີ້ໃນລະດັບສູງ, ແລະຍ້ອງຍໍຈີນທີ່ໃຫ້ການຊ່ອຍເຫຼືອແກ່ອາຊຽນໃນຫຼາຍໂຄງການຮ່ວມມືດ້ານສາທາະລະນະສຸກໃນຫຼາຍປີມານີ້.
|
|
|
