|
ຜູ້ຕາຍຍ້ອນໄພນ້ຳຖ້ວມຢູ່ອິນໂດເນເຊຍຫຼາຍກວ່າ 200 ຄົນ
cri
Author: mo
ຕາມຂ່າວສານຊີນຮວາ: ຍ້ອນຝົນຕົກແຮງຫຼາຍມື້ລຽນຕິດ, ພາໃຫ້ເຂດສ່ວນໜຶ່ງຂອງແຂວງຊູລາເວຊີໃຕ້ຂອງອິນໂດເນເຊຍເກີດໄພນ້ຳຖ້ວມແລະພູເຈື່ອນ, ນັບມາຮອດຕອນບ່າຍວັນທີ 22 ມິຖຸນາ, ໄດ້ເຮັດໃຫ້ 200 ກວ່າຄົນຕາຍ, 300 ກວ່າຄົນຫາຍສາບສູນ.
ຕາມຊື່ມວນຊົນຂອງອິນໂດເນເຊຍແຈ້ງຂ່າວໃນວັນທີ 23 ມິຖຸນາວ່າ, ນ້ຳຖ້ວມຍັງໄດ້ທຳລາຍເຮືອນຊານ ທາງຫຼວງແລະຂົວຢ່າງຫຼວງຫຼາຍ, ໄຮ່ນາ 7 ພັນກວ່າເຮັກຕາຖືກນ້ຳຖ້ວມ. ໄພນ້ຳຖ້ວມເຮັດໃຫ້ຄົນຈຳນວນຫຼວງຫຼາຍບໍ່ມີບ່ອນເພິ່ງພາອາໄສ, ປະຈຸບັນ, ເຂດປະສົບໄພມີຊາວອົບພະຍົມປະມານ 7500 ຄົນຕ້ອງການຊ່ອຍເຫຼືອດ່ວນ.
ທ່ານຢູຊົຟ ຄາລາ ຮອງປະທານາທິບໍດີອິນໂດເນເຊຍກ່າວວ່າ, ປ່າໄມ້ແຜ່ນໃຫຍ່ຖືກປ້ຳພາໃຫ້ນ້ຳເຊາະດິນໄຫຼຢ່າງຮ້າຍແຮງ, ນີ້ແມ່ນມູນເຫດສຳຄັນທີ່ຂອງໄພນ້ຳຖ້ວມຢູ່ແຂວງຊູລາເວຊີໃຕ້.
|
|
