|
ຕາມຂ່າວcri:ວັນທີ22ມິຖຸນາ,ຢູ່ດາເລັດສຊາລາມ,ທ່ານເວີນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາມຕານຊານີແລະທ່ານຄິກວີຕີ ປະທານາທິບໍດີຕານຊານີໄດ້ຈັດການເຈລະຈາ,ສອງຝ່າຍໄດ້ມີຄວາມຮັບຮູ້ຄືກັນໃນລະດັບສູງກ່ຽວກັບການຂະຫຍາຍການພົວພັນລະຫວ່າງສອງປະເທດຕື່ມອີກ.
ໃນເວລາເຈລະຈາ,ທ່ານເວີນເຈຍປາວເວົ້າວ່າ,ຝ່າຍຈີນຈະປັບປຸງແລະຂະຫຍາຍການຮ່ວມມືຢ່າງມີໄມຕິຈິດລະຫວ່າງຈີນຕານຊານີໃນດ້ານຂະຫຍາຍການຮ່ວມມືດ້ານເສດຖະກິດເປັນຕົ້ນ,ແລະຈະສືບຕໍ່ສະໜອງການຊ່ອຍເຫືຼອເທົ່າທີ່ສາມາດໃຫ້ແກ່ການພັດທະນາເສດຖະກິດສັງຄົມຂອງຕານຊານີ.ຝ່າຍຈີນຍັງກຽມຊ່ອຍສ້າງສູນແບບຢ່າງກະສິກຳແລະສູນແບບຢ່າງຕ້ານໄຂ້ຍຸງຢູ່ຕານຊານີ.
ທ່ານຄິກວີຕີເວົ້າວ່າ,ຝ່າຍຕານຊານີຊົມເຊີຍວິສາຫະກິດຈີນລົງທຶນຢູ່ຕານຊານີແລະເຂົ້າຮ່ວມການກໍ່ສ້າງໃນຂົງເຂດພື້ນຖານໂຄງລ່າງແລະພະລັງໄຟຟ້າເປັນຕົ້ນຂອງຕານຊານີ.
ຫຼັງຈາກການເຈລະຈາ,ທ່ານເວີນເຈຍປາວແລະທ່ານຄິກວີຕີຍັງໄດ້ພ້ອມກັນເຂົ້າຮ່ວມພິທີລົງນາມໃນເອກະສານຮ່ວມມືສອງຕໍ່ສອງ,ເຊັ່ນ,ອະນຸສັນຍາການຮ່ວມມືດ້ານເສດຖະກິດແລະເຕັກນິກຂອງລັດຖະບານສອງປະເທດແລະອື່ນໆ.
|
