ຕາມ​ຂ່າວ​ສານ​ຊິນ​ຮວາ:ວັນ​ທີ23​ມິຖຸນາ,ຢູ່​ແຂວງ​ມາ​ກູ​ອິນດາ​ນາວ ພາກ​ໃຕ້​ຟິລິບ​ປິນ​ໄດ້​ເກີດ​​ເຫດການ​ຫຼອນ​ໂຈມ​ຕີ​ດ້ວຍ​ລະ​ເບີດ​ລົດຍົນທີ່​ແນ​​ໃສ່​ຂະ​ບວນລົດ​ຂອງ​ເຈົ້າ​ແຂວງລາຍ​ໜຶ່ງ,​ເຮັດ​ໃຫ້​ຢ່າງ​ໜ້ອຍ5​ຄົນ​ເສຍ​ຊີວິດ,10ຄົນ​ບາດ​ເຈັບ.

ສະຖານີ​ໂທລະພາບ​ແຫ່ງ​ໜຶ່ງ​ຂອງ​ຟິລິບ​ປິນ​ໄດ້​ນຳ​ເອົາ​ຄຳ​ເວົ້າ​ຂອງ​ໂຄສົກ​ຝ່າຍ​ທະຫານ​ມາ​ແຈ້ງວ່າ,​ເຫດການ​ຫຼອນ​ໂຈມ​ຕີ​ໄດ້​ເກີດ​ຂຶ້ນ​ໃນ​ປະ​ມານຕອນ​ເຊົ້າ7​ໂມງ,ຢູ່​ມໍ່ຕະຫຼາດ​ແຫ່ງ​ໜຶ່ງຂອງ​ແຂວງ​ມາກູ​ອິນ​ດາ​ນາວ​ໄດ້​ເກີດ​ການລະ​ເບີດ​​,​ໃນ​ຂະນະ​ນັ້ນ,ຂະ​ບວນລົດ​ຂອງ​ທ່ານ​ເຈົ້າ​ແຂວງ​ອຳ​ບາ​ທູນພໍດີແລ່ນ​ຜ່ານ​ບ່ອນ​ເກີດ​ເຫດ.​ຜູ້​ປ້ອງ​ກັນ​​ແລະຜູ້​ຕິດຕາມ​ຂອງ​ເຈົ້າ​ແຂວງ ຖື​ກລະ​ເບີດ​ຕາຍ,​ແຕ່​ເຈົ້າ​ແຂວງ​ພັດລອດ​ໄພ.

ຫຼັງ​ຈາກການ​ລະ​ເບີດ​​,ຝ່າຍ​ຕຳຫຼວດ​ແລະ​ຝ່າຍ​ທະຫານ​ຟິລິ​ບິນ​​ໄດ້​ປະຕິບັດ​ສະພາວະ​ລະມັດລະວັງ​ສູງ​ສຸດ.ປັດຈຸບັນ,ຍັງ​ບໍ່​ມີ​ອົງການ​ຈັດ​ຕັ້ງ​ໃດ​ຫຼື​ບຸກຄົນ​ໃດ​ປະກາດ​ຮັດ​ຜິດ​ຊອບຕໍ່​​ເຫດການ​ດັ່ງກ່າວ.​ແຕ່​ຝ່າຍ​ທະຫານ​ເຫັນ​ວ່າ,ຫຼອນຜູ້​ໂຈ​ມຕີ​ຢາກລອບ​ຂ້າ​ເຈົ້າ​ແຂວງ.