|
ມາເລເຊຍປະກາດວ່າ ໄດ້ດັບມອດໄຂ້ຫວັດສັດປີກພາຍໃນປະເທດແລ້ວ
cri
Author: cai
ຕາມຂ່າວສານຊີນຮວາ:ວັນທີ 22 ມິຖຸນາ,ທ່ານມູຮິດດິນ ຢັດຊີນ ລັດຖະມົນຕີກະຊວງກະສິກຳແລະອຸດສາຫະກຳໃຊ້ທາງກະສິກຳຂອງມາເລເຊຍປະກາດວ່າ,ພາຍໃນແດນມາເລເຊຍ,ໄດ້ດັບມອດໄຂ້ຫວັດສັດປີກແລ້ວ.
ມື້ດຽວກັນ,ຢູ່ປູຕຼາຈາຢາ ໃຈກາງບໍລິຫານລັດຖະບານສະຫະພັນມາເລເຊຍ,ທ່ານມູຮິດດິນເວົ້າຕໍ່ວົງການໜັງສືພິມວ່າ,ຕັ້ງແຕ່ໄດ້ພົບເຫັນໄຂ້ຫວັດສັດປີກເທື່ອສຸດທ້າຍໃນເດືອນມີນາມານີ້,ໃນເກືອບ 3 ເດືອນ,ຢູ່ມາເລເຊຍບໍ່ໄດ້ປະກົດມີສະພາບພະຍາດອັນໃໝ່.ອີງຕາມມາດຖານຂອງອົງການອະນາໄມສັດຂອງໂລກ,ຢູ່ໃນແດນມາເລເຊຍ,ໄດ້ດັບມອດໄຂ້ຫວັດສັດປີກແລ້ວ.ພ້ອມກັນນັ້ນ,ທ່ານເວົ້າວ່າ,ມາດຕະການປ້ອງກັນໄຂ້ຫວັດສັດປີກຍັງຈະຮັກສາໄວ້ຕໍ່ໄປ.
ໃນເດືອນກຸມພາປີນີ້,ມາເລເຊຍໄດ້ຢືນຢັນວ່າ,ຢູ່ບ້ານຫຼາຍແຫ່ງມໍ່ນະຄອນຫຼວງກົວລາລຳປົວໄດ້ພົບເຫັນໄຂ້ຫວັດສັດປີກH5N1,ໃນເວລາ 1 ເດືອນຫຼັງຈາກນັ້ນ,ກໍໄດ້ພົບເຫັນໄຂ້ຫວັດສັດປີກຢູ່ຫຼາຍແຫ່ງຕາມໆກັນ.
|
|
