|
ຕາມຂ່າວcri:ວັນທີ23 ມິຖຸນາ,ສະພາສູງອາເມລິກາໄດ້ຜ່ານຍັດຕິກົດໝາຍລາຍໜຶ່ງທີ່ລົງໂທດລັດຖະບານປາເລັສຕິນທີ່ນຳໂດຍອົງການຮາມາສນັ້ນດ້ວຍແບບວິທີລົງຄະແນນສຽງທາງປາກ.
ຍັດຕິກົດໝາຍລາຍນີ້ຫ້າມບໍ່ໃຫ້ລັດຖະບານອາເມລິກາຕິດຕໍ່ພົວພັນກັບບອົງການຮາມາສແລະໃຫ້ຊ່ອຍເຫຼືອແກ່ອົງການຮາມາສ,ແລະຮຽກຮ້ອງໃຫ້ອົງການຮາມາສຮັບຮອງອິສຣາແອນແລະສັນຍາສັນຕິພາບທຸກລາຍທີ່ປາເລັສຕິນກັບອິສຣາແອນເຊັນກັນໃນອະດີດ.ແຕ່ຍັດຕິກົດໝາຍອະນຸຍາດໃຫ້ລັດຖະບານອາເມລິກາສືບຕໍ່ສະໜອງການຊ່ອຍເຫຼືອລັດທິມະນຸດສະທຳເຊັ່ນເຄື່ອງກິນ,ນ້ຳແລະຢາປົວພະຍາດເປັນຕົ້ນໃຫ້ຊາວປາເລັສຕິນ.
ມື້ດຽວກັນ,ຫຼາຍອົງການປະກອບອາວຸດສຳຄັນຂອງປາເລັສຕິນເຊັ່ນອົງການຈີນຮາດຝ່າຍປະກອບອາວຸດຂອງອົງການຮາມາສແລະແນວໂຮມປະຊາຊົນປາເລັສຕິນເປັນຕົ້ນໄດ້ຮ່ວມກັນປະກາດຢູ່ລາມາລາວ່າ,ເພື່ອແກ້ແຄ້ນການກະທຳຂອງອິສຣາແອນທີ່ຍິງສາມັນຊົນປາເລັສຕິນຕາຍ,ແຕ່ມື້ນັ້ນໄປ,ສັນຍາຢຸດຍິງລະຫວ່າງພວກເຂົາເຈົ້າກັບອິສຣາແອນບໍ່ຄົງຕົວຢູ່ອີກ.ທະແນມແຕ່ອິສຣາແອນບໍ່ຢຸດຕິ"ການເຂັ່ນຂ້າ",ພວກເຂົາເຈົ້າກໍຈະກໍ່ການຫຫຼອນໂຈມຕີຢ່າງບໍ່ຢຸດຢັ້ງ.
|
