ຕາມ​ຂ່າວສານ​ຊິ​ນຮວາ:ວັນ​ທີ23 ມິຖຸນາ,ທ່ານ​ອານ​ນານ ​ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ​ໄດ້​ຮຽກຮ້ອງ​​ໃຫ້ສປປ​ເກົາຫຼີ​ຮັບ​ຟັງ​ຄວາມ​ເຫັນ​ຂອງ​ປະຊາ​ຄົມ​ໂລກ,ບໍ່​ດຳ​ເນີນການ​ທົດ​ລອງ​ຍິງລູກສອນ​ໄຟ​ນຳ​ວິຖີໃດ​ໆ​ພາຍ​ໃຕ້​ສະພາບ​ການ​ໃນ​ສະ​ເພາະ​ໜ້າ​ນີ້.

ມື້​ດຽວ​ກັນ,​ຢູ່​ສຳນັກງານ​ໃຫຍ່​ສະຫະ​ປະຊາ​ຊາດທີ່ນິວຢອກ,ທ່ານ​ອານ​ນານ​ກ່າວ​ຕໍ່​ສື່​ມວນ​ຊົນ​ວ່າ,ສະຖານະ​ການ​ຂອງ​ແຫຼມ​ເກົາຫຼີ​​ໃນ​ສະ​ເພາະ​ໜ້າ​ນີ້​ເຫັນ​ໄປ​ໃນ​ແງ່​ດີບໍ່​ໄດ້,ການ​ເຈລະຈາ6ຝ່າຍ​ໄດ້​ຕົກ​ຢູ່​ໃນ​ສະພາບ​ແຂງ​ກະດ້າງ​ອີກ,ມັນ​ເດັ່ນ​ຊັດ​ແລ້ວ​ວ່າ,​ການດຳ​ເນີນ​ການ​ທົດ​ລົງ​ຍິງລູກສອນ​ໄຟ​ນຳ​ວິຖີໄລຍະ​ໄກໃຕ້​ສະ​ພາບ​ການ​ຄື​ແນວ​ນີ້​ແມ່ນ​ບໍ່​ສະຫຼາດ.

ຫວ່າງ​ມໍ່ໆ​ນີ້,ສື່​ມວນ​ຊົນ​ຍີ່ປຸ່ນ​ແລະ​ສ.​ເກົາຫຼີ​​ແຈ້ງຂ່າວວ່າ,ມີວີ​ແວວສະ​ແດງ​ໃຫ້​ເຫັນ​ວ່າ,ສປປ​ເກົາຫຼີ​ພວມ​ກະກຽມທົດ​ລອງ​ຍິງ​ລູກ​ສອນ​ໄຟ​ນຳ​ວິຖີຂ້າມ​ທະວີບ​ແບບ"​ເທ​ພູ​ດົງ2".ຈາກ​ນັ້ນສປປ​ເກົາຫຼີກ່າວ​ວ່າ,ຍິນ​ດີ​ແກ້​ໄຂ​ບັນຫາ​ໃນ​ສະ​​ເພາະ​ໜ້າ​ນີ້ກັບ​ອາ​ເມ​ລິ​ກາ​ໂດຍ​ຜ່ານ​ແບບ​ວິທີ​ສົນທະນາ.​ແຕ່​ຝ່າຍ​ອາ​ເມ​ລິ​ກາ​ໄດ້​ປະຕິ​ເສດ​ຂໍ້​ສະ​ເໜີ​ຂອງ​ຝ່າຍ​ສປປ​ເກົາຫຼີ.