|
ອິນໂດເນເຊຍແລະສິງກະໂປເຊັນສັນຍາຮ່ວມມືສ້າງເຂດເສດຖະກິດພິເສດ
cri
Author: min
ຕາມຂ່າວສານຊິນຮວາປະຈາຢາກາກຕາ: ວັນທີ 25 ມິຖຸນາ, ຢູ່ເກາະປາດາງແຫ່ງອິນໂດເນເຊຍ, ອິນໂດເນເຊຍແລະສິງກະໂປໄດ້ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມືສ້າງເຂດເສດຖະກິດພິເສດຢູ່ເກາະປາດາງ, ເກາະບິນທັນແລະເກາະຄາຣີມຸນ.
ວັນທີ 26 ມິຖຸນາ, ສື່ມວນຊົນແຈ້ງຂ່າວວ່າ, ບົດບັນທຶກສະບັບນີ້ແມ່ນທ່ານຊູຊີໂລ ປະທານາທິບໍດີອິນໂດເນເຊຍແລະທ່ານລີຊຽນລຸງ ນາຍົກລັດຖະມົນຕີສິງກະໂປລົງນາມຫຼັງຈາກສອງຝ່າຍຈັດການເຈລະຈາຊຸກຍູ້ການຮ່ວມມືເສດຖະກິດລະຫວ່າງສອງປະເທດ.
ຕາມບົດບັນທຶກດັ່ງກ່າວ, ນັກທຸລະກິດອິນໂດເນເຊຍແລະສິງກະໂປຈະຮ່ວມມືກັນຮອບດ້ານໃນເຂດເສດຖະກິດພິເສດ, ເຊັ່ນ: ການລົງທຶນ, ການທະນາຄານ, ພາສີ, ການຍົກຍ້າຍພົນລະເມືອງ, ແຮງງານ, ການທ່ອງທ່ຽວ, ກະສິກຳ, ການປະມົງ, ການຮ່ວມມືເຕັກນິກ, ການສຶກສາແລະຊັບພະຍາກອນມະນຸດເປັນຕົ້ນ. ສອງປະເທດຈະສ້າງຂອບບໍລິຫານອັນໄດ້ຜົນໃນເຂດພິເສດ, ປະຕິບັດມາດຕະການເສດຖະກິດອັນຄັກແນ່, ເຮັດໃຫ້ທຳນຽມການລົງທຶນງ່າຍເຂົ້າ, ແລະສ້າງສາພື້ນຖານໂຄງລ່າງ.
|
|
