|
ກອງທະຫານອິສຣາແອນເຂົ້າສູ່ແຖບກາຊາ, ກອງປະກອບອາວຸດປາເລັສຕີນຂົ່ມຂູ່ວ່າຈະຂ້າຕົວປະກັນ
cri
Author: mo
ຕາມຂ່າວCRI:ຕອນຮຸ່ງເຊົ້າວັນທີ 28 ມິຖຸນາ, ກອງປ້ອງກັນຊາດອິສຣາແອນໄດ້ໃຊ້ການເຄື່ອນໄຫວທາງການທະຫານຕໍ່ແຖບກາຊາ, ເພື່ອກອບກູ້ທະຫານອິສຣາແອນຜູ້ໜຶ່ງທີ່ຖືກລັກພາຕົວໃນວັນທີ 25 ມິຖຸນາ. ມື້ດຽວກັນ, "ຄະນະກຳມະການມະຫາຊົນຕໍ່ຕ້ານ" ເຊິ່ງເປັນອົງການປະກອບອາວຸດຂອງປາເລັສຕີນຂົ່ມຂູ່ວ່າ, ຖ້າອິສຣາແອນບໍ່ສິ້ນສຸດການເຄື່ອນໄຫວທາງການທະຫານຢູ່ແຖບກາຊາແລ້ວ, ອົງການດັ່ງກ່າວຈະຂ້າຊາວຢິວຜູ້ຕັ້ງຖິ່ນຖານຜູ້ໜຶ່ງທີ່ຖືກລັກພາຕົວ.
ກອງພົນນ້ອຍອານ ຄັດຊາມ ຝ່າຍການທະຫານທີ່ຂຶ້ນກັບອົງການຮາມັສ ຂະບວນການອິສລາມຕໍ່ຕ້ານຂອງປາເລັສຕີນກໍອອກຖະແຫຼງການຕໍ່ສື່ມວນຊົນຢູ່ແຖບກາຊາວ່າ, ການເຄື່ອນໄຫວທາງການທະຫານຂອງອິສຣາແອນຈະອັນຕະລາຍເຖິງຄວາມປອດໄພດ້ານຊີວິດຂອງທະຫານທີ່ຖືກລັກພາຕົວ, ຝ່າຍອິສຣາແອນຕ້ອງຫາບແບກຜົນຮ້າຍຢ້ອນຫຼັງທັງໝົດຍ້ອນເລື່ອງນີ້.
|
|
