|
ກົມNASAອາເມລິກາປະກາດວ່າ ຍານອະວະກາດດິສຄາເວີລີຈະເລື່ອນເວລາຍິງສົ່ງ 24 ຊົ່ວໂມງ
cri
Author: cai
ຕາມຂ່າວສານຊີນຮວາ:ຕອນບ່າຍວັນທີ 1 ກໍລະກົດ,ຢູ່ສູນການບິນອະວະກາດເກນເນດີ,ກົມການບິນອະວະກາດອາເມລິກາ(NASA)ປະກາດວ່າ,ຍານອະວະກາດດິສຄາເວີລີທີ່ແຕ່ເດີມຈະຍິງຂຶ້ນສູ່ອະວະກາດໃນຕອນບ່າຍວັນທີ 1 ກໍລະກົດ ເວລາພາກຕາເວັນອອກຂອງອາເມລິການັ້ນ,ໄດ້ເລື່ອນເວລາ 24 ຊົ່ວໂມງຍ້ອນມູນເຫດອາກາດ.
ຕາມຂ່າວແຈ້ງວ່າ,ຢູ່ລັດໂຟຼລີດາ,ອາກາດໃນວັນທີ 1 ກໍລະກົດປ່ຽນແປງບໍ່ປົກກະຕິ,ສະນັ້ນ,ໃນເວລາ 10 ນາທີກ່ອນຈະຍິງສົ່ງ,ກົມNASAໄດ້ຕົກລົງຍົກເລີກແຜນການຍິງສົ່ງໃນມື້ນັ້ນ,ເວລາຍິງສົ່ງເທື່ອໜ້າເລື່ອນໄປຫາຕອນບ່າຍວັນທີ 2 ກໍລະກົດ.
ຜູ້ທີ່ປະຕິບັດໜ້າທີ່ການບິນຂອງຍານອະວະກາດດິສຄາເວີລີເທື່ອນີ້ລວມມີນັກບິນອະວະກາດ 7 ຄົນ,ພວກເຂົາເຈົ້າຈະກວດກາຄວາມປອດໄພຂອງຍານອະວະກາດທີ່ໄດ້ດັດແປງແລ້ວໂດຍສະເພາະ,ແລະຈະສົ່ງເຄື່ອງບໍລິໂພກໃຫ້ສະຖານີອະວະກາດສາກົນ,ນອກນີ້,ຍັງມີນັກບິນອະວະກາດຜູ້ໜຶ່ງຈະຢູ່ເຮັດວຽກຢູ່ສະຖານີອະວະກາດ.
|
|
