ຕາມຂ່າວcri:ວັນທີ2ກໍລະກົດ,ທ່ານໂອນເມີດ ນາຍົກລັດຖະມົນຕີອິສຣາແອນກ່າວວ່າ,ອິສຣາແອນເດັດດ່ຽວບໍ່ປະນີປະນອມຕໍ່ຜູ້ປະກອບອາວຸດຂອງປາເລັສຕິນ,ຈະໃຊ້ພາຫະນະທັງໝົດກອບກູ້ທະຫານອິສຣາແອນທີ່ຖືກລັກພາຕົວ.
ມື້ດຽວກັນ,ທ່ານໂອນເມີດຍັງເວົ້າວ່າ,ແມ່ນອົງການກໍ່ການຮ້າຍທີ່ຕັ້ງຢູ່ຊີເລຍໄດ້ອອກຄຳສັ່ງກໍ່ເຫດການລັກພາຕົວທະຫານອິສຣາແອນ,ລັດຖະບານຊີເລຍຕ້ອງຍຸບອົງການເຫຼົ່ານີ້.ມື້ດຽວກັນ,ທ່ານເປເຣສ ຮອງນາຍົກລັດຖະມົນຕີອິສຣາແອນກ່າວວ່າ,ລັດຖະບານອິສຣາແອນຈະກ່າວຟ້ອງເຈົ້າໜ້າທີ່ຊັ້ນສູງຕ່າງໆ ເຊັ່ນລັດຖະມົນຕີຂອງລັດຖະບານປາເລັສຕິນປົກຄອງຕົນເອງເປັນຕົ້ນທີ່ຖືກທະຫານອິສຣາແອນຈັບຕົວ,ເພາະວ່າພວກເຂົາເຈົ້າຖືກສົງໄສ"ເຂົ້າຮ່ວມແລະສະໜັບສະໜູນການເຄື່ອນໄຫວກໍ່ການຮ້າຍ".
ພ້ອມກັນນີ້,ທະຫານອິສຣາແອນສືບຕໍ່ຫຼອນໂຈມຕີທາງອາກາດຕໍ່ແຖບກາຊາ.ຕອນຄ່ຳວັນທີ2ກໍລະກົດ,ຢູ່ພາກໃຕ້ແຖບກາຊາ,ທະຫານອິສຣາແອນໄດ້ຍິງຜູ່ປະກອບອາວຸດປາເລັສຕິນຕາຍ3ຄົນທີ່ຢາກປະຕິບັດການ ຫຼອນໂຈມຕີ.
ມື້ດຽວກັນ,ກອງພົນນ້ອຍ"ອານຄັດຊາມ"ຝ່າຍປະກອບອາວຸດທີ່ຂຶ້ນກັບອົງການຮາມາສ໌ຂົ່ມຂູ່ວ່າ,ຖ້າອິສຣາແອນຫາກສືບຕໍ່ເຄື່ອນໄຫວທາງການທະຫານຢູ່ແຖບກາຊາ,ອົງການຮາມາສ໌ຈະຫຼອນໂຈມຕີເປົ້າໝາຍຕ່າງໆ ເຊັ່ນ,ໂຮງຮຽນແລະໂຮງງານຜະລິດໄຟຟ້າເປັນຕົ້ນພາຍໃນດິນແດນອິສຣາແອນ.
ມື້ດຽວກັນ,ທ່ານອານນານ ເລຂາທິການໃຫຍ່ສະຫະປະຊາຊາດໄດ້ສະແດງຄວາມເອົາໃຈໃສ່ຫຼາຍນຳສະຖານະການແຖບກາຊາໃນປັດຈຸບັນ.ໂດຍແນໃສ່ການຫຼອນໂຈມຕີທາງອາກາດຂອງທະຫານອິສຣາແອນ. ເຈົ້າຊີວິດຊອກດານີແລະປະທານາທິບໍດີອີເອເມັນກໍ່ໄດ້ຮຽກຮ້ອງໃຫ້ປະຊາຄົມໂລກຈົ່ງທຳຄວາມພະຍາຍາມພ້ອມກັນ,ສະກັດກັ້ນບໍ່ໃຫ້ອິສຣາແອນຮຸກຮານປາເລັສຕິນ.
|