|
|
 |
| (GMT+08:00)
2006-07-05 17:50:39
|
 |
|
ມາເລເຊຍຮຽກຮ້ອງໃຫ້ສະຫະປະຊາຊາດໄຂກອງປະຊຸມດ່ວນກ່ຽວກັບບັນຫາປາເລັສຕິນ
cri
ຕາມຂ່າວສານຊິນຮວາ, ວັນທີ4ກໍລະກົດ,ຫຼັງຈາກໄດ້ອະພິປາຍກ່ຽວກັບສະຖານະການຂອງປາເລັສຕິນໃນປັດຈຸບັນແລ້ວ,ສະພາຕ່ຳມາເລເຊຍໄດ້ຜ່ານຮັບຮອງມະຕິລາຍໜຶ່ງ,ຮຽກຮ້ອງໃຫ້ສະຫະປະຊາຊາດໄຂກອງປະຊຸມດ່ວນເພື່ອປຶກສາຫາລືສະຖານະການຂອງປາເລັສຕິນໃນປັດຈຸບັນ.
ມື້ດຽວກັນ,ທ່ານຊາເບຣີຮອງລັດຖະມົນຕີຮັບຜິດຊອບວຽກງານການເມືອງ ຂອງກະຊວງການຕ່າງປະເທດມາເລເຊຍເວົ້າວ່າ,ໃນນາມເປັນປະເທດປະທານ ວຽນຂອງສະພາອິດສລາມແລະຂະບວນການບໍ່ຮ່ວມກຸ່ມ,ມາເລເຊຍຈະໃຫ້ຜູ້ຕາງໜ້າມາເລເຊຍປະຈຳສະຫະປະຊາຊາດເລັ່ງທວງໃຫ້ສະຫະປະຊາຊາດຈັດກອງປະຊຸມດ່ວນເທື່ອນີ້.ທ່ານຍັງເວົ້າວ່າ,ມາເລເຊຍຍັງຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງກັບຂະບວນວິວັດສັນຕິພາບຕາເວັນອອກກາງພ້ອມດ້ວຍກຸ່ມ8ປະເທດໃຊ້ການເຄື່ອນໄຫວທາງການທູດເພື່ອສະກັດກັ້ນການປະທະກັນລະຫວ່າງປາເລັສຕິນ ກັບອິສຣາແອນ.
ທ່ານຊາເບຣີເວົ້າວ່າ,ມາເລເຊຍຍັງຈະຊຸກຍູ້ໃຫ້ໄຂກອງປະຊຸມຂອງສະພາອິດສລາມ,ເພື່ອຫາລືສະຖານະການຫຼ້າສຸດຂອງປາເລັສຕິນ.
|
|
|
