|
ຜູ້ຊ່ຽວຊານເຕືອນໃຫ້ວ່າ ໃນຂະນະປ້ອງກັນບໍ່ໃຫ້ຕິດເຊື້ອພະຍາດໄຂ້ຫວັດສັດປີກ ກໍຕ້ອງປ້ອງກັນບໍ່ໃຫ້ຕິດເຊື້ອໄວຣັດອື່ນ
cri
Author: da
ຕາມຂ່າວສານຊິນຮວາ:ວັນທີ 10 ກໍລະກົດ ສະພາມົນຕີເສດຖະກິດສັງຄົມອົງການສະຫະປະຊາຊາດໄດ້ຈັດກອງປະຊຸມຫາລືບັນຫາໄຂ້ຫວັດສັດປີກໂດຍຈຳເພາະຢູ່ເຊີແນວ,ເຈົ້າໜ້າທີ່ແລະຜູ້ຊ່ຽວຊານທີ່ຮ່ວມປະຊຸມໄດ້ກ່າວເຕືອນວ່າ,ວຽກງານປ້ອງກັນບໍ່ໃຫ້ມະນຸດຄົນເຮົາຕິດເຊື້ອພະຍາດໄຂ້ຫວັດສັດປີກແບບ H5N1 ຈະລະເຫຼີງບໍ່ໄດ້ເດັດຂາດ,ແຕ່ພ້ອມກັນນັ້ນ ບັນດາປະເທດຄວນປ້ອງກັນບໍ່ໃຫ້ຕິດເຊື້ອໄວຣັດອື່ນ,ເພາະວ່າ ເຊື້ອໄວຣັດອື່ນກໍອາດຈະຂົ່ມຂູ່ຄວາມປອດໄພຂອງມະນຸດຢ່າງໃຫຍ່ຫຼວງ.
ທ່ານດອກເດີແຕວິດ ນາປາໂຣ ຜູ້ປະສານງານຊັ້ນສູງໃນບັນຫາພະຍາດໄຂ້ຫວັດສັດປີກລະບົບສະຫະປະຊາຊາດໄດ້ກ່າວໃນກອງປະຊຸມວ່າ,ໃນ6ເດືອນທີ່ຜ່ານມາ,ວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກຂອງປະເທດຈຳນວນໜຶ່ງ ເຊິ່ງລວມທັງຈີນໄດ້ຮັບຄວາມກ້າວໜ້າຢ່າງພົ້ນເດັ່ນ.ແຕ່ພ້ອມກັນນັ້ນ,ບັນດາປະເທດຍັງຕ້ອງເອົາໃຈໃສ່ນຳວຽກງານປ້ອງກັນເຊື້ອໄວຣັດຕໍ່ສັດ,ປ້ອງກັນຢ່າງເຄັ່ງຄັດບໍ່ໃຫ້ສັດແຜ່ເຊື້ອໄວຣັດໃຫ້ມະນຸດ,ຈົນພາໃຫ້ເກີດໄພພິບັດໃໝ່.
|
|
