ຕາມ​ຂ່າວ​ສານ​ຊິນ​ຮວາ:ວັນ​ທີ13​ກໍລະກົດ,ທ່ານ​ໂຮ​ນາມ​ຮົງ ຮອງ​ນາຍົກ​ລັດຖະ​ມົນຕີ​​ທັງ​ເປັນ​ລັດຖະ​ມົນ​ຕີການ​ກະຊວງ​ການ​ຕ່າງ​ປະ​ເທດ​ແລະຮ່ວມ​ມືສາ​ກົນກຳ​ປູ​ເຈຍ​ໄດ້ຕີ​ລາຄາ​ສູງ​ຕໍ່​ນະ​ໂຍບາຍ​ການ​ຕ່າງ​ປະ​ເທດຂອງ​ຈີນ​ທີ່​ມີຕໍ່​ກຳປູ​ເຈຍ.

ມື້​ດຽວ​ກັນ,ກ່ອນ​ເດີນທາງ​ອອກ​ຈາກ​ນະ​ຄອນ​ຫຼວງ​ພະນົມ​ເປັນ​ມາ​ຢ້ຽມຢາມ​ຈີນ,ທ່ານໂຮ​ນາມ​ຮົງ​ເວົ້າ​ຕໍ່​ນັກ​ຂ່າວ​ວ່າ,ມິດ​ຕະພາບ​ລະຫວ່າງ​ກຳ​ປູ​ເຈຍ​ກັບ​ຈີນ​ໄດ້​ຂະຫຍາຍ​ຕົວ​ຢ່າງ​ບໍ່ຢຸດ​ຢັ້ງ,ການ​ພົວ​ພັນ​ຮ່ວມ​ມື​ດ້ວຍໄມ​ຕິ​ຈິດ​​ໃນ​ຂົງ​ເຂດ​ຕ່າງໆ​ລະຫວ່າງ​ສອງ​ປະ​ເທດ​ແມ່ນ​ແໜ້ນ​ແຟ້ນທີ່​ສຸດ.ກຳປູ​ເຈຍ​ຈະ​ຫາລື​​ກັບ​ຈີນ​ບັນ​ຫາກ່ຽວ​ກັບເພິ່ມ​ທະວີການ​ພົວພັນ​​ຮ່ວມ​ມື​ດ້ວຍ​​ໄມ​ຕີ​ຈິດ​ໃນ​ຂົງ​ເຂດ​ຕ່າງໆ ​ເຊັ່ນ,ການ​ເມືອງ,​ເສດຖະກິດ​ການ​ຄ້າ,ຄວາມ​ປອດ​ໄພ​ເປັນ​ຕົ້ນ​ລະຫວ່າງ​ຈີນ​ກັບ​ອາຊ​ຽນ.

ໂດຍ​ຕອບ​ສະໜອງ​ຄຳ​​ເຊີນ​ຂອງ​ທ່ານ​ຫຼີຈ້າວ​ຊີງ ລັດຖະມົນຕີ​ກາ​ນຕ່າງປະ​ເທດ​ຈີນ,ທ່ານ​ໂຮ​ນາມ​ຮົງ​ຈະ​ມາຢ້ຽມ​ຢາມ​ຈີນ​ຢ່າງ​ເປັນ​ທາງ​ການ​ໃນ​ວັນທີ13​ຫາ​ວັນ​ທີ16​ກໍລະ​ກົດ.