|
|
 |
| (GMT+08:00)
2006-07-13 18:12:23
|
 |
|
ສານລັດຖະທຳມະນູນໄທຕົກລົງຮັບພິຈາລະນາຄະດີຍົກເລີກ 5 ພັກການເມືອງ
cri
Author: da
ຕາມຂ່າວCRI:ວັນທີ 13 ກໍລະກົດ ສານລັດຖະທຳມະນູນໄທໄດ້ຕົກລົງຮັບພິຈາລະນາຄະດີກ່ຽວກັບການຍົກເລີກພັກໄທຮັກໄທ ພັກປະຊາທິປັດແລະອີກ 3 ພັກນ້ອຍທີ່ສະເໜີໂດຍໄອຍະການສູງສຸດ.
ຕາມໄດ້ຊາບ,5 ພັກການເມືອງທີ່ກ່ຽວຂ້ອງຈະຖືກທວງໃຫ້ສົ່ງເອກະສານທີ່ກ່ຽວຂ້ອງໃຫ້ສານລັດຖະທຳມະນູນພາຍໃນ 15 ມື້,ອະທິບາຍຕໍ່ການກ່າວຟ້ອງຂອງໄອຍະການສູງສຸດ.
ຄະດີຍົກເລີກ 5 ພັກການເມືອງດັ່ງກ່າວແມ່ນໄອຍະການສູງສຸດຂອງໄທຍື່ນໃຫ້ສານລັດຖະທຳມະນູນໃນວັນທີ 6 ກໍລະກົດ.ໄອຍະການສູງສຸດກ່າວຟ້ອງພັກໄທຮັກໄທ ພັກໃຫຍ່ທີໜຶ່ງຂອງໄທທີ່ນຳໂດຍທ່ານທັກສິນ ຊິນນະວັດ ນາຍົກລັດຖະມົນຕີຮັກສາການຈ່າຍເງິນຈ້າງພັກນ້ອຍເຂົ້າຮ່ວມການເລືອກຕັ້ງເພີ່ມຕື່ມຫຼັງການເລືອກຕັ້ງທົ່ວໄປເມື່ອວັນທີ 2 ເມສາ;ກ່າວຟ້ອງພັກປະຊາທິປັດ ພັກຝ່າຍຄ້ານໃຫຍ່ທີໜຶ່ງ ພັກການເມືອງເກົ່າແກ່ຂອງໄທຮຽກຮ້ອງໃຫ້ຜູ້ມີສິດເຂົ້າຮ່ວມການເລືອກຕັ້ງປ່ອນບັດຂາວ,ຈ້າງພັກການເມືອງນ້ອຍໃສ່ຮ້າຍປ້າຍສີພັກການເມືອງອື່ນແລະຂີດຂວາງການເລືອກຕັ້ງເພີ່ມຕື່ມຮອບທີສອງທີ່ຈັດຂຶ້ນຢູ່ຈັງຫວັດສົງຄາທີ່ພາກໃຕ້ຂອງໄທ.ໄອຍະການສູງສຸດເຫັນວ່າ,ພັກການເມືອງເຫຼົ່ານີ້ໄດ້ລະເມີດການກຳນົດຂອງມາດຕາທີ 66 ໃນກົດໝາຍວ່າດ້ວຍພັກການເມືອງຂອງໄທ,ຄວນຖືກຍົກເລີກຕາມກົດໝາຍ.
|
|
|
