|
ນະຄອນຫຼວງອິນໂດເນເຊຍເກີດແຜ່ນດິນໄຫວ 6,8 ລິກເທີ
cri
Author: mo
ຕາມຂ່າວCRI: ຕອນບ່າຍ 3 ໂມງ 20 ນາທີຂອງວັນທີ 17 ກໍລະກົດເວລາທ້ອງຖິ່ນ, ເມືອງຢາກາກຕາ ນະຄອນຫຼວງອິນໂດເນເຊຍເກີດແຜ່ນດິນໄຫວ 6,8 ລິກເທີ. ປັດຈຸບັນ, ຍັງບໍ່ມີການແຈ້ງຂ່າວກ່ຽວກັບຄົນຕາຍແລະບາດເຈັບແລະການເສຍຫາຍດ້ານຊັບສິນເທື່ອ.
ຕາມພະແນກຕິດຕາມວັດແທກແຜ່ນດິນໄຫວຂອງອິນໂດເນເຊຍກ່າວວ່າ, ແຜ່ນດິນໄຫວໄດ້ຍືດເຍືອປະມານ 30 ວິນາທີ, ໃຈກາງແຜ່ນດິນໄຫວຢູ່ມະຫາສະໝຸດອິນເດຍ.
ຕາມຂ່າວຈາກຂ່າວສານອາເປລາຍງານວ່າ, ຕາມການວັດແທກຂອງສູນເຕືອນໄພຄື້ນຊູນາມີມະຫາສະໝຸດປາຊີຟິກ, ແຜ່ນດິນໄຫວເທື່ອນີ້ແມ່ນ 7,2 ຂັ້ນລິກເທີ, ແຜ່ນດິນໄຫວໄດ້ແຕະຕ້ອງລະບົບເຕືອນໄພຄື້ນຊູນາມີຂອງເກາະຈາວາແລະເກາະຊູມາຕຼາແຫ່ງອິນໂດເນເຊຍ ແລະເກາະດອນສ່ວນໜຶ່ງຂອງອົສຕຼາລີ. ວິທະຍຸທ້ອງຖິ່ນຂອງອິນໂດເນເຊຍລາຍງານວ່າ, ຜູ້ເຫັນກັບຕາໄດ້ເຫັນເກີດຄື້ນຊູນາມີຂະໜາດນ້ອຍຫຼັງແຜ່ນດິນໄຫວ.
|
|
