|
ຜູ້ຕາຍຍ້ອນຄື້ນຊູນາມີຢູ່ອິນໂດເນເຊຍລື່ນກາຍ 300 ຄົນ
cri
Author: cai
|
ຕາມຂ່າວCRI:ວັນທີ 18 ກໍລະກົດ,ເຈົ້າໜ້າທີ່ອິນໂດເນເຊຍເວົ້າວ່າ,ປະຈຸບັນ,ຢູ່ອິນໂດເນເຊຍ,ຄື້ນຊູນາມີທີ່ເກີດຂຶ້ນຍ້ອນແຜ່ນດິນໄຫວແຮງໃນວັນທີ 17 ກໍລະກົດໄດ້ເຮັດໃຫ້ 300 ກວ່າຄົນເສຍຊີວິດ, 160 ກວ່າຄົນຫາຍສາບສູນ, 2 ໝື່ນ 3 ພັນຄົນຖືກບັງຄັບໜີອອກຈາກບ້ານເກີດເມືອງນອນ.
ທ່ານດູດີ ຈູນາຍດີ ເຈົ້າໜ້າທີ່ເຂດປານການດາຣານ ແຂວງຈາວາຕາເວັນຕົກທີ່ປະສົບໄພໜັກໜ່ວງກວ່າໝູ່ເວົ້າວ່າ,ຢູ່ເຂດດັ່ງກ່າວ,ຢ່າງໜ້ອຍມີ 172 ຄົນເສຍຊີວິດຍ້ອນຄື້ນຊູນາມີ,ຍັງມີອີກ 85 ຄົນຫາຍສາບສູນ.ໃນຜູ້ປະສົບເຄາະຮ້າຍ,ມີຄົນປາກິສະຖານຜູ້ໜຶ່ງ ຄົນໂຮນລັງຜູ້ໜຶ່ງແລະຄົນຊູແອັດຜູ້ໜຶ່ງ.ປະຈຸບັນ,ຜູ້ກອບກູ້ພວມສືບຕໍ່ຊອກຫາກອບກູ້ຜູ້ລອດຕາຍແລະກຳນົດຊື່ນາມສະກຸນຂອງຜູ້ປະສົບເຄາະຮ້າຍ.
ຕອນບ່າຍວັນທີ 17 ກໍລະກົດ,ຢູ່ເຂດທະເລມະຫາສະໝຸດອິນເດຍທີ່ຢູ່ທິດໃຕ້ເກາະຈາວາແຫ່ງອິນໂດເນເຊຍໄດ້ເກີດແຜ່ນດິນໄຫວແຮງ,ແລະໄດ້ເຮັດໃຫ້ເຂດສ່ວນໜຶ່ງແຄມຝັ່ງທະເລເກີດຄື້ນຊູນາມີ.
|
|
