|
ຮອງປະທານຄະນະກຳມະການການທະຫານສູນກາງຈີນຈັດການພົບປະແລະເຈລະຈາກັບລັດຖະມົນຕີການຕ່າງປະເທດແລະລັດຖະມົນຕີກະຊວງປ້ອງກັນປະເທດອາເມລິກາ
cri
Author: mo
ຕາມຂ່າວສານຊີນຮວາ: ວັນທີ 18 ກໍລະກົດ, ຢູ່ວໍຊິງຕັນ, ທ່ານໂກໂປຊົງ ຮອງປະທານຄະນະກຳມະການການທະຫານສູນກາງຈີນໄດ້ແຍກອອກຈັດການພົບປະແລະເຈລະຈາກັບທ່ານນາງໄລສ໌ ລັດຖະມົນຕີການຕ່າງປະເທດແລະທ່ານລາມສ໌ຟິວ ລັດຖະມົນຕີກະຊວງປ້ອງກັນປະເທດອາເມລິກາ.
ໃນການພົບປະເຈລະຈາ, ທ່ານໂກໂປຊົງກ່າວເນັ້ນວ່າ, ບັນຫາໄຕ້ຫວັນກ່ຽວພັນເຖິງຜົນປະໂຫຍດແກນກາງຂອງຈີນ, ຫວັງໃຫ້ຝ່າຍອາເມລິກາເຄົາລົບປະກາດແຈ້ງການຮ່ວມສາມສະບັບລະຫວ່າງຈີນອາເມລິກາແລະຄຳໝັ້ນສັນຍາຄັດຄ້ານໄຕ້ຫວັນເປັນເອກະລາດ, ຊຳລະບັນຫາດັ່ງກ່າວຢ່າງເໝາະສົມ, ບໍ່ສົ່ງສັນຍານຜິດພາດໃຫ້ອິດທິກຳລັງແບ່ງແຍກໄຕ້ຫວັນເປັນເອກະລາດ. ຝ່າຍອາເມລິກາກ່າວວ່າ, ລັດຖະບານອາເມລິກາບບໍ່ຫ່ອນຈະປ່ຽນແປງນະໂຍບາຍຈີນດຽວ, ຄັດຄ້ານໄຕ້ຫວັນປ່ຽນແປງສະພາບປັດຈຸບັນແຕ່ຝ່າຍດຽວ.
ໃນການເຈລະຈາກັບທ່ານລາມສ໌ຟິວ, ສອງຝ່າຍເຫັນດີຈະຈັດການຊ້ອມກອບກູ້ຮ່ວມເທິງທະເລຂອງກອງທັບເຮືອສອງປະເທດພາຍໃນປີນີ້; ສືບຕໍ່ເພີ່ມທະວີການແລກປ່ຽນລະຫວ່າງໂຮງຮຽນຊັ້ນສູງຂອງສອງກອງທັບ ການແລກປ່ຽນນາຍພົນໜຸ່ມແລະໄວກາງຄົນ, ແລະການຮ່ວມມືກັນໃນຂົງເຂດອື່ນໆ.
|
|
