|
ຕາມຂ່າວສານຊິນຮວາ:ວັນທີ19ກໍລະກົດ,ຢູ່ທີ່ເຊອູນ,ທ່ານບັນກີມູນ ລັດຖະມົນຕີກະຊວງການຕ່າງປະເທດແລະການຄ້າສ.ເກົາຫຼີກ່າວວ່າ,ສ.ເກົາຫຼີຫວັງໃຫ້ຮັກສາການພົວພັນສອງຕໍ່ສອງຢ່າງໝັ້ນທ່ຽງກັບສ.ປ.ປ.ເກົາຫຼີ,ຍິນດີແກ້ໄຂບັນຫານີວເຄຼຍແຫຼມເກົາຫຼີໂດຍສັນຕິດ້ວຍວິທີສົນທະນາ.
ໃນງານຊຸມນຸມນັກຂ່າວທີ່ຈັດຂຶ້ນໃນມື້ດຽວກັນ,ທ່ານບັນກີມູນເວົ້າວ່າ,ລັດຖະບານສ.ເກົາຫຼີເຫັນວ່າ,ຍ້ອນແຫຼມເກົາຫຼີຕົກຢູ່ໃນສະພາບແບ່ງແຍກ,ການພົວພັນລະຫວ່າງສ.ເກົາຫຼີກັບສ.ປ.ປ.ເກົາຫີຼຮັກສາຄວາມໝັ້ນທ່ຽງນ້ນແມ່ນສຳຄັນທີ່ສຸດ.ກ່ຽວກັບບັນຫານີວເຄຼຍແຫຼມເກົາຫຼີ,ສ.ເກົາຫຼີຫວັງໃຫ້ແກ້ໄຂດ້ວຍສັນຕິວິທີແລະດ້ວຍການສົນທະນາກັນໂດຍໄວ,ພ້ອມກັນນັ້ນ,ກໍຫວັງວ່າການເຈລະຈາຫຼົກຝ່າຍຄົງຈະຟື້ນຟູຈັດຂຶ້ນໂດຍໄວ.
ທ່ານບັນກີມູນຍັງເວົ້າວ່າ,ພາຍຫຼັງສ.ປ.ປ.ເກົາຫຼີໄດ້ຍິງລູກສອນໄຟນຳວິຖີແລ້ວ,ບຸກຄົນສຳຄັນທາງການເມືອງບາງຄົນຂອງຍີ່ປຸ່ນໄດ້ຫາລືວ່າອາດຈະກໍ່ການໂຈມຕີສ.ປ.ປ.ເກົາຫຼີທາງການທະຫານແບບຊີງລົງມືກ່ອນ. ປະຊາຊົນສ.ເກົາຫຼີທຳປະຕິກິລິຍາຢ່າງຮຸນແຮງຕໍ່ຖ້ອຍທຳນອງແບບນີ້ຂອງບຸກຄົນສຳຄັນທາງການເມືອງຂອງຍີ່ປຸ່ນນັ້ນແມ່ນເລື່ອງທຳມະດາ.
|
