|
ປະທານາທິບໍດີອິນໂດເນເຊຍຮຽກຮ້ອງໃຫ້ສ້າງສຳເລັດລະບົບເຕືອນໄພແຜ່ນດິນໄຫວແລະຄື້ນຊູນາມີທົ່ວປະເທດໃນປີ 2008
cri
Author: MO
ຕາມຂ່າວສານຊີນຮວາ: ວັນທີ 20 ກໍລະກົດ, ທ່ານຊູຊີໂລ ປະທານາທິບໍດີອິນໂດເນເຊຍກ່າວວ່າ, ຄວນສ້າງສຳເລັດລະບົບເຕືອນໄພແຜ່ນດິນໄຫວແລະຄື້ນຊູນາມີທົ່ວປະເທດໃນປີ 2008, ເພື່ອຮັບມືກັບໄພທຳມະຊາດທີ່ເກີດຂຶ້ນຢ່າງເນື່ອງນິດເຊັ່ນແຜ່ນດິນໄຫວແລະຄື້ນຊູນາມີເປັນຕົ້ນຢ່າງຕັ້ງໜ້າ.
ມື້ດຽວກັນ, ໃນເວລາກວດການຢູ່ແຂວງບານເຕັນທີ່ຖືກກະທົບຈາກແຜ່ນດິນໄຫວແລະຄື້ນຊູນາມີນັ້ນ, ທ່ານຊູຊີໂລເວົ້າວ່າ, ທ່ານຈະອອກຄຳສັ່ງໃຫ້ພາກສ່ວນທີ່ກ່ຽວຂ້ອງຫາລືບັນຫາການຫ້າງຫາຄ່າໃຊ້ຈ່າຍກັບລັດຖະສະພາ, ແລະຍາດແຍ່ງເຮັດໃຫ້ບັນດາປະເທດຊ່ອຍເຫຼືອແລະປະຊາຄົມໂລກເຮັດຕາມຄຳໝັ້ນສັນຍາຂອງຕົນ, ສະໜອງເງິນກູ້ໃຫ້ອິນໂດເນເຊຍໂດຍໄວ, ເພື່ອສ້າງລະບົບເຕືອນໄພແຜ່ນດິນໄຫວແລະຄື້ນຊູນາມີໃຫ້ສຳເລັດໂດຍໄວ. ທ່ານຍັງຮຽກຮ້ອງໃຫ້ອົງການປົກຄອງທ້ອງຖິ່ນຂັ້ນຕ່າງໆສ້າງສູນບັນຊາການແຜ່ນດິນໄຫວແລະຄື້ນຊູນາມີ, ຕິດຕາມຂໍ້ມູນຂ່າວສານທີ່ກ່ຽວຂ້ອງກັບແຜ່ນດິນໄຫວແລະຄື້ນຊູນາມີທັງເວັນທັງຄືນ, ແລະສົ່ງຂ່າວໃຫ້ມວນຊົນຢ່າງວ່ອງໄວ.
ມື້ດຽວກັນ, ທ່ານຄາດີມານ ລັດຖະມົນຕີກະຊວງຄົ້ນຄວ້າເຕັກນິກຂອງອິນໂດເນເຊຍກ່າວວ່າ, ລັດຖະບານຈະສ້າງລະບົບເຕືອນໄພຄື້ນຊູນາມີຢູ່ເຂດທະເລພາກໃຕ້ເກາະຈາວາແລະເຂດທະເລເກາະບາຫຼີພາຍໃນປີນີ້.
|
|
