ເຈົ້າໜ້າທີ່ອາຟຼີກາກ່າວວ່າ,ອາຟຼີກາພວມໄດ້ຮັບຜົນປະໂຫຍດຈາກການພົວພັນໝູ່ຄູ່ກັບຈີນ
cri
Author: da
ຕາມຂ່າວສານຊິນຮວາ:ວັນທີ 22 ກໍລະກົດ ທ່ານໂຊມານາ ຊາໂກ ເລຂາທິການໃຫຍ່ບໍລິຫານງານຂອງກອງທຶນບຳລຸງສ້າງຄວາມສາມາດຂອງອາຟຼີກາໄດ້ກ່າວຕີໂຕ້ຄຳເວົ້າຂອງສື່ມວນຊົນຝ່າຍຕາເວັນຕົກທີ່ວ່າ"ຈີນຢາກປ່ຽນແປງອາຟຼີກາເປັນເມືອງຂຶ້ນ",ທ່ານຊີ້ອອກວ່າ ອາຟຼີກາພວມໄດ້ຮັບຜົນປະໂຫຍດຈາກການພົວພັນໝູ່ຄູ່ແລະຮ່ວມມືທີ່ແໜ້ນແຟ້ນກັບຈີນ.
ມື້ດຽວກັນ ໃນເວລາໃຫ້ສຳພາດຕໍ່ນັກຂ່າວຢູ່ຮາຣາເຣ ນະຄອນຫຼວງຊີມບາເວ ທ່ານຊາໂກເວົ້າວ່າ,ສື່ມວນຊົນຝ່າຍຕາເວັນຕົກຕິຕຽນວ່າ ຈີນສ້າງສາພື້ນຖານໂຄງລ່າງຢູ່ອາຟຼີກາແມ່ນເພື່ອສົ່ງຜູ້ອອກແຮງງານທີ່ລາຄາຕ່ຳໄປອາຟຼີກາ,ເຮັດໃຫ້ຫຼາຍໆຄົນຂອງອາຟຼີກາຫວ່າງງານ,ແຕ່ຄວາມຈິງກົງກັນຂ້າມ,ການລົງທຶນຂອງຄົນຈີນໄດ້ສ້າງໂອກາດອາຊີບຈຳນວນຫຼວງຫຼາຍໃຫ້ແຜ່ນດິນໃຫຍ່ອາຟຼີກາ.ນອກນີ້,ຈີນຍັງຊ່ອຍອາຟຼີກາເພີ່ມທະວີການສ້າງສາຊັບພະຍາກອນມະນຸດ,ໄດ້ບຳລຸງສ້າງຜູ້ຊ່ຽວຊານງວດໃຫຍ່ໃນຂົງເຂດຕ່າງໆໃຫ້ປະເທດອາຟຼີກາ.
ໃນເວລາກ່າວເຖິງການພົວພັນໝູ່ຄູ່ການເມືອງລະຫວ່າງປະເທດອາຟຼີກາກັບຈີນ,ທ່ານຊາໂກເວົ້າວ່າ,ການພົວພັນອັນສະໜິດແໜ້ນດັ່ງກ່າວໄດ້ຮັບປະກັນການຕົກລົງຂອງອົງການຈັດຕັ້ງສາກົນມີຜົນດີຕໍ່ປະເທດທຸກຍາກທີ່ສຸດເຫຼົ່ານັ້ນ,ຫາກບໍ່ແມ່ນມະຫາປະເທດຈຳນວນໜຶ່ງ.ເລື່ອງຈິງສະແດງໃຫ້ເຫັນວ່າ,ຈີນສຸດທີ່ເຄົາລົບອາຟຼີກາແລະລັດຖະບານປະເທດອາຟຼີກາ,ຈີນສະໜັບສະໜູນອາຟຼີກາໂດຍວິທີປຸກລະດົມທາງບວກຕະຫຼອດມາ,ຫາກບໍ່ແມ່ນປະຕິບັດຕໍ່ອາຟຼີກາດ້ວຍພາຫະນະກົດໜີບແຮງແລະລົງໂທດ.
|
|