|
ຕາມຂ່າວສານຊິນຮວາ:ມື້ວານນີ້,ຢູ່ກົວລາລຳເປີ,ລັດຖະມົນຕີການຕ່າງປະເທດບັນດາປະເທດອາຊຽນກ່າວລື້ມວ່າ,ສະໜັບສະໜູນທ່ານສຸລະກຽດ ສະຖຽນໄທ ຮອງນາຍົກລັດຖະມົນຕີໄທໄປແຂ່ງຂັນເລືອກຕັ້ງເລຂາທິການໃຫຍ່ສະຫະປະຊາຊາດຊຸດໜ້າໃນຖານເປັນຜູ້ສະໝັກຮັບເລືອກຕັ້ງຂອງອາຊຽນ.
ມື້ວານນີ້,ລັດຖະມົນຕີການຕ່າງປະເທດບັນດາປະເທດອາຊຽນຈັດກອງປະຊຸມຄັ້ງວິສາມັນກັບທ່ານສຸລະກຽດ ສະຖຽນໄທຢູ່ສູນກອງປະຊຸມສາກົນກົວລາລຳເປີ.ຫຼັງກອງປະຊຸມໄດ້ອອກຖະແຫຼງການສະບັບໜຶ່ງໂດຍກ່າວວ່າ,ປັດຈຸບັນ,ທ່ານສຸລະກຽດ ສະຖຽນໄທຍັງແມ່ນຜູ້ສະໝັກຮັບເລືອກຕັ້ງເລຂາທິການໃຫຍ່ສະຫະປະຊາຊາດພຽງຜູ້ດຽວທີ່ໄດ້ຮັບການຮັບຣອງຈາກການຈັດຕັ້ງພາກພື້ນ.
ຖະແຫຼງການຍັງກ່າວວ່າ,ລັດຖະມົນຕີການຕ່າງປະເທດບັນດາປະເທດອາຊຽນແລະທ່ານສຸລະກກຽດ ສະຖຽນໄທຍັງໄດ້ຫາລືກົນລະຍຸດໂຄສະນາໃນບໍ່ເທົ່າໃດເດືອນຂ້າງໜ້ານີ້,ແລະເປັນເອກະສັນເຫັນວ່າບັນດາປະເທດອາຊຽນຄວນສະແຫວງຫາຄູ່ສົນທະນາອາຊຽນແລະປະເທດອື່ນໆທີ່ເຂົ້າຮ່ວມກອງປະຊຸມກ່ຽວຂ້ອງຂອງອາຊຽນສະໜັບສະໜູນທ່ານສຸລະກຽດ ສະຖຽນໄທໂດຍຜ່ານຈາກຊ່ອງທາງຊະນິດຕ່າງໆ.
|
