|
ຕາມຂ່າວເວັບໄຊໄຊນາເດລີ: ມື້ວານນີ້ວັນທີ24ກໍລະກົດ, ໂຄສົກລັດຖະບານໄທໄດ້ປະຕິເສດຂ່າວທີ່ວ່າທ່ານທັກສິນ ຊິນນະວັດ ນາຍົກລັດຖະມົນຕີຄະນະລັດຖະບານຮັກສາການຂອງໄທຈະຈາກເວທີການເມືອງຂອງໄທຊົ່ວຄາວພາຍຫຼັງການເລືອກຕັ້ງທົ່ວໄປທີ່ຈະຈັດຂຶ້ນໃນວັນທີ15ຕຸລາປີນີ້, ແລະກ່າວຢ້ຳວ່າທ່ານທັກສິນຍັງຈະເຂົ້າຮ່ວມການເລືອກຕັ້ງໃນນາມຜູ້ສະໝັກຮັບເລືອກຕັ້ງນ້ຳເບີໜຶ່ງຂອງພັກໄທຮັກໄທ.
ໂຄສົກຜູ້ນີ້ກ່າວວ່າ, ກ່ອນໜ້ານີ້, ທ່ານທັກສິນມີແຕ່ໃຫ້ຄຳໝັ້ນສັນຍາວ່າຈະຜັກຜ່ອນໄລຍະໜຶ່ງຫຼັງຈາກການເລືອກຕັ້ງທົ່ວໄປໃນວັນທີ2ເມສາປີນີ້, ສ່ວນໃນການເລືອກຕັ້ງທົ່ວໄປທີ່ຈະຈັດຂຶ້ນໃນວັນທີ15ຕຸລາປີນີ້, ທ່ານທັກສິນຍັງຈະເຂົ້າຮ່ວມການເລືອກຕັ້ງໃນນາມຜູ້ສະໝັກຮັບເລືອກຕັ້ງນ້ຳເປີໜຶ່ງຂອງພັກກຳອຳນາດ. ຖ້າລາຊະດອນຜູ້ມີສິດເລືອກຕັ້ງຍັງເຊື່ອຖືທ່ານ, ປ່ອນບັດໃຫ້ພັກໄທຮັກໄທ, ທ່ານກໍຈະຮັບຕຳແໜ່ງນາຍົກລັດຖະມົນຕີຕໍ່ໄປ.
ວັນທີ2ເມສາປີນີ້, ໄທໄດ້ຈັດການເລືອກຕັ້ງທົ່ວໄປກ່ອນເວລາກຳນົດ, ພັກໄທຮັກໄທທີ່ນຳໂດຍທ່ານທັກສິນໄດ້ຮັບບັດເລືອກຕັ້ງ56%, ແຕ່ພັກຝ່າຍຄ້ານໄດ້ແຫ່ຂະບວນສະແດງກຳລັງຢ່າງຂະໜາດໃຫຍ່ຕາມຖະໜົນຫົນທາງ. ຫຼັງຈາກນັ້ນສານລັດຖະທຳມະນູນຂອງໄທປະກາດວ່າການເລືອກຕັ້ງທົ່ວໄປຄັ້ງນັ້ນເປັນໂມຄະ.
|
