|
ຕາມຂ່າວສານຊິນຮວາ:ມື້ວານນີ້,ຢູ່ຫ່າໂນ່ຍ,ທ່ານແງວນເຕິນຢຸງ ນາຍົກລັດຖະມົນຕີລັດຖະບານຫວຽດນາມກ່າວວ່າ,ຫວັງໃຫ້ວົງການການທະນາຄານສອງປະເທດຫວຽດນາມຈີນເພີ່ມທະວີການແລກປ່ຽນແລະການຮ່ວມມືຕື່ມອີກ,ປະກອບສ່ວນອັນຕັ້ງໜ້າເຂົ້າໃນການຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງແລະການຮ່ວມມືຮອບດ້ານໂດຍສະເພາະແມ່ນການພົວພັນການຮ່ວມມືເສດຖະກິດການຄ້າລະຫວ່າງສອງປະເທດຢ່າງແທ້ຈິງ.
ຢູ່ທີ່ທຳນຽບນາຍົກລັດຖະມົນຕີ,ທ່ານຫງວນເຕິນຢຸງກ່າວຄຳດັ່ງກ່າວໃນເວລາພົບປະທ່ານເຊັນຢວນ ຜູ້ອຳນວຍການທະນາຄານພັດທະນາແຫ່ງຊາດຈີນທີ່ໄປຢ້ຽມຢາມ.ທ່ານກ່າວວ່າ,ໃນບໍ່ເທົ່າໃດປີມານີ້,ການພົວພັນໄມຕີຈິດທີ່ມີມູນເຊື້ອແລະການຮ່ວມມືຮອບດ້ານລະຫວ່າງສອງລັດຫວຽດນາມຈີນລ້ວນແຕ່ໄດ້ຮັບການພັດທະນາຮອບດ້ານແລະບັງເກີດຜົນໃນຂົງເຂດຕ່າງໆ,ແລະລົງສູ່ລວງເລິກຢ່າງບໍ່ຢຸດຢັ້ງ,ເອົາຜົນປະໂຫຍດຕົວຈິງໃຫ້ປະຊາຊົນສອງຊາດ.
ທ່ານເຊັນຢວນກ່າວວ່າ,ທະນາຄານພັດທະນາແຫ່ງຊາດຈີນຍິນດີເພີ່ມທະວີການແລກປ່ຽນກັບວົງການການທະນາຄານຫວຽດນາມ,ພ້ອມກັນຄົ້ນຄວ້າຊ່ອງທາງທີ່ເປີດກວ້າງການຮ່ວມມືທີ່ມີຜົນສັກສິດ,ຊຸກຍູ້ການຮ່ວມມືລະຫວ່າງວົງການທະນາຄານສອງປະເທດຢ່າງແທ້ຈິງ,ພ້ອມກັນຊຸກຍູ້ການພັດທະນາຂອງເສດຖະກິດສອງປະເທດ.
|
