|
ປະທານາທິບໍດີອິນໂດເນເຊຍຮຽກຮ້ອງໃຫ້ສະຫະປະຊາຊາດແກ້ໄຂວິກິດການຕາເວັນອອກກາງທີ່ເລື່ອນຂັ້ນເລື້ອຍໆ
cri
Author: mo
ຕາມຂ່າວສານຈີນ: ວັນທີ 24 ກໍລະກົດ, ທ່ານຊູຊີໂລ ປະທານາທິບໍດິອິນໂດເນເຊຍໄດ້ຮຽກຮ້ອງໃຫ້ສະພາຄວາມໝັ້ນຄົງສະຫະປະຊາຊາດຫຼືສະມັດຊາໃຫຍ່ສະຫະປະຊາຊາດ, ສະແຫວງຫາແຜນການແກ້ໄຂການປະທະກັນຢູ່ຕາເວັນອອກກາງທີ່ນັບມື້ນັບເລື່ອນຂັ້ນ.
ມື້ດຽວກັນ, ພາຍຫຼັງເຈລະຈາກັບທ່ານອັບດູລາ ບາດາວີ ນາຍົກລັດຖະມົນຕີມາເລເຊຍທີ່ມາຢາມແລ້ວ, ທ່ານຊູຊີໂລເວົ້າວ່າ, ອິນໂດເນເຊຍແລະມາເລເຊຍມີຫຼັກໝັ້ນອັນດຽວກັນຕໍ່ການປະທະກັນລະຫວ່າງອິສຣາແອນກັບລີບັງແລະປາເລັສຕີນ. ທ່ານເວົ້າວ່າ, ອິນໂດເນເຊຍຍຶດໝັ້ນວ່າ, ອິສຣາແອນຕ້ອງເຊົາການເຄື່ອນໄຫວທາງການທະຫານໃນທັນທີ.
ທ່ານເວົ້າວ່າ, ມາເລເຊຍແລະອິນໂດເນເຊຍລ້ວນແຕ່ກຽມຈະແຕ່ງກອງທະຫານຂອງຕົນໄປຊ່ອຍຮັກສາສັນຍາຢຸດຍິງຢູ່ຕາເວັນອອກກາງ.
|
|
