|
ທ່ານຫຼີຈ້າວຊິງເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນບວກ 3 ແລະງານລ້ຽງອາຫານທ່ຽງຂອງກອງປະຊຸມລັດຖະມົນຕີຕ່າງປະເທດອາຊີຕາເວັນອອກ
cri
Author: da
ຕາມຂ່າວສານຊິນຮວາ:ມື້ວານນີ້(ວັນທີ26ກໍລະກົດ),ທ່ານຫຼີຈ້າວຊິງ ລັດຖະມົນຕີວ່າການກະຊວງຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນບວກ3ຄືຈີນ ຍີ່ປຸ່ນ ສ.ເກົາຫຼີແລະງານລ້ຽງອາຫານທ່ຽງຂອງກອງປະຊຸມລັດຖະມົນຕີຕ່າງປະທດອາຊີຕາເວັນອອກທີ່ຈັດຂຶ້ນຢູ່ນະຄອນຫຼວງກົວລາລຳເບີຂອງມາເລເຊຍ.
ທ່ານຫຼີຈ້າວຊິງເວົ້າວ່າ,ສະພາບການໃໝ່ໃນອາຊີທີ່ມີໄມຕີຈິດຖານບ້ານໃກ້ເຮືອນຄຽງໃນດ້ານການເມືອງ ມີຄວາມໄວ້ເນື້ອເຊື່ອໃຈແລະປະສານງານດ້ານຄວາມໝັ້ນຄົງ ມີຄວາມສະເໝີພາບ ຕ່າງຝ່າຍຕ່າງມີຜົນປະໂຫຍດດ້ານເສດຖະກິດ ແລະມີຄວາມຫຼາຍເຄົ້າຮຸ່ງເຮືອງພ້ອມກັນດ້ານວັດທະນະທຳພວມຈໍ່ຕົວຂຶ້ນເປັນກ້າວໆ. 10 ປີຜ່ານມາ,ການຮ່ວມມືລະຫວ່າງ ອາຊຽນບວກ 3 ໄດ້ຮັບຄວາມຄືບໜ້າໃນດ້ານລວງກວ້າງແລະລວງເລິກ,ທັງໄດ້ຮັບຜົນຢ່າງອຸດົມສົມບູນ,ໄດ້ປັບປຸງສະພາບແວດລ້ອມການພັດທະນາພາກພື້ນອາຊີຕາເວັນອອກໃຫ້ດີຂຶ້ນ,ຍົກສູງກຳລັງແຮງໃນທົ່ວພາກພື້ນ,ໄດ້ນຳເອົາຜົນປະໂຫຍດຕົວຈິງໃຫ້ແກ່ບັນດາປະເທດ.
ໃນເວລາກ່າວເຖິງສະຖານະການໃນແຫຼມເກົາຫຼີ,ທ່ານຫຼີຈ້າວຊິງເວົ້າວ່າ,ຝ່າຍຈີນສຸດທີ່ເປັນຫ່ວງນຳປັດໄຈໃໝ່ທີ່ບໍ່ມີຜົນດີຕໍ່ສັນຕິພາບແລະສະຖຽນລະພາບໃນພາກພື້ນນັ້ນ,ແລະຫວັງວ່າ ການເຈລະຈາ 6 ຝ່າຍ,ຈະເຮັດໃຫ້ແຫຼມເກົາຫຼີປາດສະຈາກນິວເຄຼຍໂດຍໄວ,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີແລະພາກພື້ນອາຊີຕາເວັນອອກສຽງເໜືອ.
|
|
