|
ການເຄື່ອນໄຫວວັດທະນະທຳຈີນເປີດສາກຢູ່ສຳນັກງານສະຫະປະຊາຊາດທີ່ເຊີແນວ
cri
Author: MO
ຕາມຂ່າວCRI：ວັນທີ 26 ກໍລະກົດ, ການເຄື່ອນໄຫວວັດທະນະທຳຈີນເຊິ່ງຫ້ອງການຖະແຫຼງຂ່າວຄະນະລັດຖະບານຈີນ ສຳນັກງານຈີນປະຈຳສະຫະປະຊາຊາດທີ່ເຊີແນວແລະຄະນະຜູ້ແທນອົງການຈັດຕັ້ງສາກົນອື່ນໆ ພ້ອມດ້ວຍສຳນັກງານສະຫະປະຊາຊາດທີ່ເຊີແນວເປັນຕົ້ນຮ່ວມກັນຈັດຂຶ້ນນັ້ນໄດ້ເປີດສາກຢູ່ວັງນາໆຊາດ ທີ່ຕັ້ງສຳນັກງານສະຫະປະຊາຊາດທີ່ເຊີແນວ.
ຫຼັງພິທີເປີດງານ, ແຂກ 1500 ກວ່າຄົນໄດ້ຊົມງານລາຕີສິລະປະມ່ວນຊື່ນທີ່ສະແດງໂດຍສິລະປີນຈີນ, ລາຍການສິລະປະມູນເຊື້ອຂອງຈີນເຫຼົ່ານີ້ມີງີ້ວປັກກິ່ງ, ກາຍຍະສິນແລະຟ້ອນເປັນຕົ້ນ, ແລະກໍມີການສະແດງບາງຕອນຂອງລະຄອນໂອເປລາຕ່າງປະເທດທີ່ມີຊື່ສຽງ, ການສະແດງເປຍໂນແລະວິໂອລົງເປັນຕົ້ນ.
ງານວາງສະແດງຮູບຖ່າຍຂອງຈີນຍຸກປັດຈຸບັນທີ່ເປີດສາກໃນມື້ດຽວກັນໄດ້ວາງສະແດງຮູບຖ່າຍ 100 ກວ່າແຜ່ນ, ສ່ອງແສງໃຫ້ເຫັນການພັດທະນາຂອງສັງຄົມຈີນຍຸກປັດຈຸບັນ, ການສ້າງສາເສດຖະກິດ, ໂສມໜ້າຕົວເມືອງ, ຊີວິດການເປັນຢູ່ຂອງປະຊາຊົນ, ຮີດຄອງປະເພນີແລະພາບວິວທິວທັດ, ພ້ອມດ້ວຍພູມສາດທຳມະຊາດເປັນຕົ້ນ.
|
|
