|
ກາງເມືອງແບກແດດເກີດເຫດການລະເບີດລຽນຕິດ, ມີຄົນຕາຍແລະບາດເຈັບຫຼວງຫຼາຍ
cri
Author: MO
ຕາມຂ່າວສານຊີນຮວາ: ວັນທີ 27 ກໍລະກົດ, ຢູ່ກາງເມືອງແບກແດດ ນະຄອນຫຼວງອີຣັກໄດ້ເກີດເຫດການລະເບີດ 3 ລາຍລຽນຕິດ, ຢ່າງໜ້ອຍມີຜູ້ຕາຍ 20 ຄົນ, ບາດເຈັບ 74 ຄົນ.
ເຈົ້າໜ້າທີ່ກະຊວງພາຍໃນອີຣັກກ່າວວ່າ, ເຫດການລະເບີດສາມລາຍດັ່ງກ່າວນີ້ລ້ວນແຕ່ເກີດຢູ່ເຂດຄາລາດາ ຄຸ້ມການຄ້າທີ່ຊາວມຸສລິມນິກາຍຊີອິດໂຮມກັນຢູ່ຫຼາຍ. ລາຍທຳອິດແມ່ນລົດຍົນທີ່ຈອດຢູ່ທາງສີ່ແຍກລະເບີດ, ສອງແມ່ນລູກປືນຄົກສອງລູກຕົກໃສ່ບ່ອນມໍ່ປ້ຳນ້ຳມັນແຫ່ງໜຶ່ງຂອງເຂດດັ່ງກ່າວ, ສາມແມ່ນລະເບີດແຕກຢູ່ໃນເຮືອນຫຼັງໜຶ່ງໃນຄຸ້ມດັ່ງກ່າວ. ປັດຈຸບັນ, ຍັງເວົ້າບໍ່ໄດ້ວ່າ, ເຫດການລະເບີດ 3 ລາຍນີ້ມີການພົວພັນກັນຫຼືບໍ່, ມູນເຫດຕົວຈິງກໍຍັງຄອຍສຳຫຼວດຕື່ມອີກ.
ເຖິງວ່າລັດຖະບານຊຸດໃໝ່ຂອງອີຣັກໄດ້ໃຊ້ມາດຕະການຄວາມປອດໄພຕ່າງໆແລ້ວກໍຕາມ, ແຕ່ສະຖານະການຄວາມປອດໄພຂອງແບກແດດໃນຫວ່າງມໍ່ໆນີ້ພັດມີທ່ວງທ່າຊຸດຮ້າຍລົງ.
|
|
