|
ຕາມຂ່າວcri:ວັນທີ28ກໍລະກົດ,ໃນເວລາເຂົ້າຮ່ວມກອງປະຊຸມລັດຖະມົນຕີການຕ່າງປະເທດເວທີປາໄສພາກພື້ນອາຊຽນຄັ້ງທີ13ທີ່ຈັດຂຶ້ນຢູ່ກົວລະລຳເປີ,ທ່ານຫຼີຈ້າວຊີ່ງ ລັດຖະມົນຕີການຕ່າງປະເທດຈີນໄດ້ກ່າວສະແດງຄວາມເຫັນກ່ຽວກັບການສ້າງສາເວທີປາໄສພາກພື້ນອາຊຽນ,ກ່າວວ່າຈີນຈະສືບຕໍ່ຮ່ວມມືກັບບັນດາປະເທດພາຍໃນພາກພື້ນແລະພາຍນອກພາກພື້ນອາຊຽນ,ພ້ອມກັນປົກປັກຮັກສາຄວາມໝັ້ນຄົງຂອງພາກພື້ນອາຊີປາຊິຟິກ.
ທ່ານຫຼີຈ້າວຊີ່ງເວົ້າວ່າ,ເວທີປາໄສພາກພື້ນອາຊຽນເປັນຊ່ອງທາງສົນທະນາຄວາມປອດໄພພະຫຸພາຄີຝ່າຍທາງການອັນສຳຄັນກວ່າໝ່ຢູ່ພາກພື້ນອາຊີປາຊິຟິກູ,ໄດ້ຊຸກຍູ້ຄວາມໄວ້ເນື້ອເຊື່ອໃຈກັນລະຫວ່າງບັນດາປະເທດ,ໄດ້ເສີມຂະຫຍາຍບົດບາດອັນຕັ້ງໜ້າໃຫ້ປະເທດໃນພາກພື້ນແຫ່ງນີ້ຮັບມືກັບສິ່ງທ້າທາຍດ້ານຄວາມໝັ້ນຄົງແບບໃໝ່,ສ້າງສະພາບແວດລ້ອມໝັ້ນຄົງຂອງພາກພື້ນທີ່ກົມກຽວກັນແລະຮັກສາສັນຕິພາບແລະສະຖຽນລະພາບຂອງພາກພື້ນ.
ທ່ານຫຼີຈ້າວຊີ່ງກ່າວເນັ້ນວ່າ,ຈີນເອົາໃຈໃສ່ນຳເວທີປາໄສໃນລະດັບສູງ,ຕັ້ງໜ້າເຂົ້າຮ່ວມການເຄື່ອນໄຫວຂອງເວທີປາໄສ.ໃນຖານເປັນປະເທດໜຶ່ງໃນວົງຄະນາຍາດອາຊີປາຊິຟິກ,ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງໝັ້ນໜຽວ,ປະຕິບັດທິດທາງ"ມີໄມຕີຈິດຕໍ່ປະເທດໃກ້ຄຽງ,ແລະຖືປະເທດໃກ້ຄຽງເປັນເພື່ອນ",ສືບຕໍ່ຂະຫຍາຍການຮ່ວມມືກັບບັນດາປະເທດພາຍໃນພາກພື້ນແລະພາຍນອກພາກພື້ນ,ຊຸກຍູ້ເວທີປາໄສພາກພື້ນອາຊຽນໃຫ້ພັດທະນາຢ່າງປອດໄສ,ພ້ອມກັນຮັກສາຄວາມໝັ້ນຄົງຂອງພາກພື້ນອາຊີປາຊິຟິກດ້ວຍທ່າທີສະເໝີພາບ,ຕ່າງຝ່າຍຕ່າງມີຜົນປະໂຫຍດ,ວົງເປີດແລະມີຄວາມອະນຸໂລມ.
ມື້ດຽວກັນ,ທ່ານຫຼີຈ້າວຊີ່ງໄດ້ພົບປະທ່ານນາງໄຣສ໌ ລັດຖະມົນຕີການຕ່າງປະເທດອາເມລິກາ,ທ່ານລາຟລົຟ ລັດຖະມົນຕີການຕ່າງປະເທດຣັດເຊຍແລະທ່ານເປັກນາມຊຸນລັດຖະມົນຕີການຕ່າງປະເທດສ.ປ.ປ.ເກົາຫຼີທີ່ເຂົ້າຮ່ວມເວທີປາໄສພາກພື້ນອາຊຽນ,ໄດ້ຫາລືການພົວພັນທະວີພາຄີແລະບັນຫາຈຸດສຸມໃນສາກົນແລະພາກພື້ນທີ່ສົນໃຈນຳກັນ.
|
