|
ອະທິໄອຍະການອິນໂດເນເຊຍຮຽກຮ້ອງໃຫ້ຈີນກັບອາຊຽນເພີ່ມການຮ່ວມມືດ້ານຕຸລາການ
cri
Author: cai
ຕາມຂ່າວສານຊີນຮວາ:ວັນທີ 31 ກໍລະກົດ,ຢູ່ນະຄອນຫຼວງຈາກາຕາຂອງອິນໂດເນເຊຍ,ທ່ານຊາລິຣ ອະທິໄອຍະການອິນໂດເນເຊຍໄດ້ຮຽກຮ້ອງໃຫ້ອາຊຽນກັບຈີນເພີ່ມການຮ່ວມມືດ້ານຕຸລາການ,ເພື່ອຕໍ່ຕ້ານອາດຊະຍາກຳຂ້າມຊາດໃນພາກພື້ນນີ້ຢ່າງເຂັ້ມງວດ,ເພື່ອສ້າງຄວາມຜາສຸກໃຫ້ແກ່ປະຊາຊົນ.
ໃນເວລາກ່າວສູນທອນພົດໃນພິທີໄຂກອງປະຊຸມອະທິໄອຍະການຂອງຈີນແລະປະເທດສະມາຊິກອາຊຽນຄັ້ງທີ 3,ທ່ານຊາລິຣເວົ້າວ່າ,ເຖິງວ່າລະບອບກົດໝາຍຂອງປະເທດຕ່າງໆຈະແຕກຕ່າງກັນ,ວິທີການແກ້ໄຂບັນຫາກໍ່ຕ່າງກັນ,ແຕ່ມີຈຸດປະສົງອັນດຽວກັນ,ນັ້ນກໍ່ຄືການປົກປ້ອງຄວາມສັກສິດຂອງກົດໝາຍ,ຮັກສາຄວາມຍຸດຕິທຳໃນສັງຄົມ.
ໃນເວລາກ່າວສູນທອນພົດ,ທ່ານເຈຍຊູ່ນວ້າງ ອະທິໄອຍະການຂອງອົງການໄອຍະການປະຊາຊົນສູງສຸດຈີນໄດ້ສະເໜີໃຫ້ການແລກປ່ຽນແລະການຮ່ວມມືລົງສູ່ລວງເລິກຕື່ມອີກ,ໃນນັ້ນ,ລວມທັງສືບຕໍ່ຮັກສາທ່ວງທ່າອັນດີງາມທີ່ຂັ້ນສູງຢ້ຽມຢາມກັນເລື້ອຍໆ,ຕັ້ງໜ້າປະຕິບັດຕາມກົນໄກແຕ່ງໄອຍະການໄປແລກປ່ຽນຢ້ຽມຢາມກັນເປັນຕົ້ນ.
|
|
