ຕາມ​ຂ່າວສານ​ຊິນ​ຮວາ:ຕອນ​ຄ່ຳ​ວັນ​ທີ1​ສິງຫາ,3ຈັງຫວັດ​ພາກ​ໃຕ້​ຂອງ​ໄທ​ ຄື,ຈັງຫວັດ​ນະຣາ​ທິວາດ,ຈັງຫວັດ​ຢະລາ​ແລະ​ຈັງຫວັດ​ປັດ​ຕາ​ນີໄດ້ເກີດ​ເຫ​ດການລະ​ເບີດ​ຕິດຕໍ່​​ກັນ,ຢ່າງ​ໜ້ອຍ​ມີລູກ​ລະ​ເບີດ40ລູກ​​​ແຕກ​ຢູ່​ບ່ອນມໍ່ທີ່​ຕັ້ງ​ຂອງ​ຫ້ອງການ​ປົກຄອງ​ເມືອງ​​,ສະຖານີ​ຕະຫຼວດ,​ໂຮງງານ​ສຳຄັນ​ແລະ​ທາງ​ຫຼວງຂອງ​3ຈັງຫວັດ​ດັ່ງກ່າວ,​ໄດ້​ເຮັດ​ໃຫ້​3​ຄົນ​ບາດ​ເຈັບ​ເປັນ​ຢ່າງ​ໜ້ອຍ.

ການຫຼອນ​ໂຈມ​ຕີ​ໃນ​ມື້ວານ​ນີ້ ຕົ້ນຕໍ​ແມ່ນ​ແນ​ໃສ່​ຫ້ອງການ​ປົກຄອງ​​ແລະ​ໂຮງງານ​ໃຫຍ່​ຂອງ3​ຈັງຫວັດ.ລູກ​ລະ​​ເບີດ​ແຕກຢູ່​ມໍ່​​ໂຮງງານ​ບັນຈຸອາຍ​ແກັສ໌ ​ໃຫຍ່​​ແຫ່ງ​ໜຶ່ງ​ແລະ​ໂຮງງານ​ຜະລິດ​ຢາງ​ຕັງ​ຕິ້ວ​ແຫ່ງ​ໜຶ່ງ,ພາ​ໃຫ້​ໂຮງງານ2​ແຫ່ງ​ດັ່ງ​ກ່າວ​ໄຟ​ພຸງ​ຂຶ້ນ,​ຄາດໃນ​ເບື້ອງ​ຕົ້ນວ່າ,ມູນ​ຄ່າ​ເສຍຫາຍ​ດ້ານ​ເສດຖະ​ກິດປະມານ3​ລ້ານ​ໂດ​ລາ.ນອກ​ນີ້,ທາງ​ຫຼວງ​ສາຍ​ຫຼັກ10ກວ່າ​​ທີ່​ເຊື່ອມຕໍ່3​ຈັງຫວັດ​ພ້ອມດ້ວຍ​ຄຸກ​ແຫ່ງ​ໜຶ່ງ​ຂອງ​ຈັງຫວັດ​ປັດ​ຕາ​ນີກໍ່​ໄດ້ຖືກ​ລະ​​ເບີດ.

ຝ່າຍ​ທະຫານ​ພາກ​ໃຕ້ໄທ​ກ່າວ​ວ່າ,ປັດ​ຈຸບັນ,ຕຳຫຼວດ​​ແລະທະຫານ​ໄດ້​ເລິ່ມຊອກ​ຈັບ​ຜູ້​ກໍ່​ເຫດການ​ລະ​ເບີດ​.​ເຈົ້າ​ໜ້າ​ທີ່​ຊັ້ນ​ສູງ​ຂອງອົງ​ການ​ປົກຄອງທ້ອງ​ຖິ່ນ​ທີ່​ບໍ່​ອອກ​ນາມຂອງ​ຈັດ​ຫວັດ​ປັດ​ຕາ​ນີຜູ້​ໜຶ່ງ​ເວົ້າ​ວ່າ,ມັນ​ຈະ​ແຈ້ງແລ້ວ​ວ່າ,ຜູ້​​ໂຈມ​ຕີ​​ແມ່ນ​ຢາກ​ກໍ່ຄວາມ​ວຸ້ນວາຍ​ໃນ​ເວລາ​ຜູ້ບັນຊາ​ການ​ສູງ​ສຸດ​ກອງ​ທັບບົກ​ຈະ​ໄປ​ຢ້ຽມຢາມ​ພາກ​ໃຕ້​​ໃນວັນ​ທີ2​ສິງຫາ​ແລະທ້າ​ທາຍ​​ເກາະ​ຜິດ​ຕໍ່​ລັດຖະບານ.