ຕາມ​ຂ່າວ​ສານ​ຊິນ​ຮວາ:ມື້ວານ​ນີ້,ວັນ​ທີ3 ສິງຫາ,ທ່ານ​ລິນ​ຢຸນຊຽງ ລັດຖະມົນຕີ​ວ່າການ​ກະຊວງການ​ຄ້າ​ແລະ​ອຸດສາຫະກຳສິງກະ​ໂປ​ຖະ​ແຫຼງວ່າ,​ສິງກະ​ໂປ​ຈະ​ປະຕິບັດ​ແຜນການ​ສະບັບ​ໜຶ່ງທີ່​ມີ​ຊື່ວ່າ"ຈັດການ​ເຄື່ອງ​ໄຫວ​ທຸລະ​ກິດ​ຢູ່​ສິງກະ​​ໂປ",ກົມທ່ອງທ່ຽວ​ສິງກະ​ໂປ​ຈະ​ລົງທຶນ170ລ້ານ​ໂດ​ລາ​ສິງກະ​ໂປ​ຈາກມູນ​ນິທິ​ພັດທະນາ,ສົ່ງ​ເສີມ​ທຸລະ​ກິດ​ການ​ຈັດ​ກອງ​ປະສຸ​ມ​ແລະງານວາງສະ​ແດງຕື່ມ​ອີກ.

ກົມ​ທ່ອງທ່ຽວ​ສິງກະ​ໂປ​ລາຍ​ງານສະຖິຕິ​ວ່າ,ປີ​ກາຍ​ນີ້,ກອງ​ປະຊຸມ​ແລະ​ງານ​ວາງສະ​ແດງທີ່​ຈັດ​ຢູ່​ສິງກະ​ໂປ​ມີ5000​ເທື່ອ​,ລາຍ​ຮັບຂອງການ​ທ່ອງທ່ຽວ​ການ​ຄ້າ​ແລະທຸລະ​ກິດ​ຈັດ​ກອງ​ປະຊຸມ​ແລະ​ງານ​ວາງສະ​ແດງກວມ28%ຂອງ​ຍອດ​ລາຍ​ໄດ້​ຂອງ​ການທ່ອງທ່ຽວ.ກົມ​ທ່ອງທ່ຽວ​ຈະ​ເຮັດ​ໃຫ້​ລາຍ​ໄດ້ຈາກການທ່ອງທ່ຽວ​ການ​ຄ້າ​ແລະ​ການທຸລະ​ກິດ​ການ​ຈັດ​ກອງ​ປະຊຸມ​ງານ​ວາງສະ​ແດງ​ເພີ່ມ​ຂຶ້ນ​ເປັນ10ຕື້500ລ້ານ​ໂດ​ລາ​ສິງກະ​ໂປ​ກ່ອນ​ປີ2015,​ຊຶ່ງຈະ​ກວມ35%​ຂອງຍອດ​ລາຍ​ໄດ້ການທ່ອງທ່ຽວ.