|
ທ່ານຮານີຢາກ່າວປະນາມຝ່າຍອິສຣາແອນທຳລາຍໂຄງປະກອບການເມືອງຂອງຝ່າຍປາເລັສຕິນ ທ່ານອັບບັສຫວັງໃຫ້ຈັດກອງປະຊຸມສຸກເສີນຜູ້ນຳອາຣາບໂດຍໄວ
cri
Author: min
ຕາມຂ່າວ CRI: ວັນທີ 6 ສິງຫາ, ທ່ານຮານີຢາ ນາຍົກລັດຖະມົນຕີລັດຖະບານປາເລັສຕິນໄດ້ກ່າວຄຳປາໄສຢູ່ກາຊາ, ກ່າວປະນາມຢ່າງຮຸນແຮງຕໍ່ອິສຣາແອນທີ່ຈັບທ່ານເດິເວກ ປະທານຄະນະກຳມະການນິຕິບັນຍັດປາເລັສຕິນ, ແລະຕິຕຽນອິສຣາແອນທີ່ເຈດຕະນາທຳລາຍໂຄງປະກອບການເມືອງຂອງປາເລັສຕິນ. ມື້ວານນີ້, ທ່ານອັບບັສ ປະທານອົງການອຳນາດແຫ່ງຊາດປາເລັສຕິນທີ່ພວມຢ້ຽມຢາມອິເອເມນເວົ້າວ່າ, ຕ້ອນການໃຫ້ຈັດກອງປະຊຸມສຸກເສີນຂັ້ນຜູ້ນຳປະເທດອາຣາບໂດຍໄວເພື່ອຮັບມືກັບສະຖານະການທີ່ຊຸດໂຊມລົງ.
ຕອນຂ້ອນແຈ້ງວັນທີ 6 ສິງຫາ, ທະຫານອິສຣາແອນໄດ້ເຂົ້າຮຸກຮານເມືອງລາມາລາຂອງປາເລັສຕິນ, ແລະຈັບທ່ານເດິເວກ. ນັບແຕ່ອິສຣາແອນກໍ່ການເຄື່ອນໄຫວທາງການທະຫານຂະໜາດໃຫຍ່ທີ່ມີລະຫັດ "ຝົນລະດູຮ້ອນ" ໃນທ້າຍເດືອນມິຖຸນາເປັນຕົ້ນມາ, ໄດ້ມີກຳມະການຄະນະນິຕິບັນຍັດແລະລັດຖະມົນຕີຄະນະລັດຖະບານປາເລັສຕິນ 60 ກວ່າຄົນຖືກທະຫານອິສຣາແອນຈັບໄປແລະຖືກກັກຂັງຈົນຮອດດຽວນີ້.
|
|
