|
|
 |
| (GMT+08:00)
2006-08-07 15:38:10
|
 |
|
ລັດຖະມົນຕີກະຊວງການຕ່າງປະເທດສ.ເກົາຫຼີຮຽກຮ້ອງໃຫ້ສ.ປ.ປເກົາຫຼີຄືນສູ່ການເຈລະຈາ 6 ຝ່າຍໂດຍໄວ
cri
Author: min
ຕາມຂ່າວ CRI: ວັນທີ 7 ສິງຫາ, ສື່ມວນຊົນສ.ເກົາຫຼີແຈ້ງຂ່າວວ່າ, ຫວ່າງມໍ່ໆນີ້, ທ່ານບັນກີມູນ ລັດຖະມົນຕີວ່າການກະຊວງການຕ່າງປະເທດແລະການຄ້າສ.ເກົາຫຼີໄດ້ຮຽກຮ້ອງໃຫ້ສ.ປ.ປ ເກົາຫຼີກັບຄືນສູ່ການເຈລະຈາ 6 ຝ່າຍໂດຍໄວ, ເພື່ອຜ່ອນຄາຍການພົວພັນອັນເຄັ່ງຕຶງລະຫວ່າງສ.ປ.ປເກົາຫຼີກັບອາເມລິກາຍ້ອນສ.ປ.ປເກົາຫຼີທົດລອງຍິງລູກສອນໄຟນຳວິຖີ.
ທ່ານບັນກີມູນແມ່ນໃຫ້ທັດສະນະດັ່ງກ່າວໃນເວລາໃຫ້ສຳພາດຕໍ່ໜັງສືພິມ "ເຊື້ອຊາດເກົາຫຼີ" ຂອງສ.ເກົາຫຼີຢູ່ເຊອຸນ. ທ່ານຍັງເຜີຍໃຫ້ຮູ້ວ່າ, ອາເມລິກາໄດ້ກ່າວວ່າ, ຖ້າສ.ປ.ປເກົາຫຼີຫາກກັບຄືນສູ່ການເຈລະຈາ 6 ຝ່າຍ, ຝ່າຍອາເມລິກາຍິນດີເຈລະຈາກັບສ.ປ.ປເກົາຫຼີກ່ຽວກັບບັນຫາການເງິນ, ສອງຝ່າຍຈະຫາລືຄວາມອາດເປັນໄປໄດ້ທີ່ໃຫ້ທ່ານຮິວ ລັດຖະມົນຕີຊ່ອຍວ່າການກະຊວງການຕ່າງປະເທດອາເມລິກາ, ຫົວໜ້າຜູ້ຕາງໜ້າຝ່າຍອາເມລິກາເຂົ້າຮ່ວມການເຈລະຈາ 6 ຝ່າຍເດີນທາງໄປຢ້ຽມຢາມສ.ປ.ປເກົາຫຼີກໍໄດ້.
ເມື່ອເວົ້າເຖິງການເຈລະຈາຂັ້ນສຸດຍອດລະຫວ່າງສ.ເກົາຫຼີກັບອາເມລິກາທີ່ຈະຈັດຂຶ້ນໃນ ກາງເດືອນກັນຍາຢູ່ອາເມລິການັ້ນ, ທ່ານບັນກີມຸນເວົ້າວ່າ, ບັນຫານິວເຄຼຍຂອງແຫຼມເກົາຫຼີແລະບັນຫາສ.ປ.ປເກົາຫຼີຍິງທົດລອງລູກສອນໄຟນຳວິຖີຈະກາຍເປັນຫົວຂໍ້ສຳຄັນຂອງການເຈລະຈາ, ສ.ເກົາຫຼີມີເຈດຈຳນົງເປິກສາ ຫາລືກັນໃຫ້ບັນດາຝ່າຍຊອກຫາວິທີແກ້ໄຂບັນຫາໃຫ້ເຖິງກົກເຖິງຮາກ.
|
|
|
