|
|
 |
| (GMT+08:00)
2006-08-10 18:16:48
|
 |
|
"ກົດໝາຍວ່າດ້ວຍສັນຊາດ"ສະບັບໃໝ່ຂອງອິນໂດເນເຊຍຍົກເລີກບາງມາດຕາທີ່ດູໝິ່ນຊົນເຜົ່າສ່ວນໜ້ອຍ
cri
Author: da
ຕາມຂ່າວສານຊິນຮວາ: ວັນທີ10ສິງຫາ ສື່ມວນຊົນອິນໂດເນເຊຍລາຍງານວ່າ:"ກົດໝາຍສັນຊາດ"ຂອງອິນໂດເນເຊຍທີ່ປະກາດໃຊ້ແຕ່ມື້ວານນີ້ເປັນຕົ້ນໄປໄດ້ຍົກເລີກບາງມາດຕາທີ່ດູໝິ່ນຊົນເຜົ່າສ່ວນໜ້ອຍ.
ຕາມຂ່າວແຈ້ງວ່າ,ເມື່ອທຽບກັບ"ກົດໝາຍວ່າດ້ວຍສັນຊາດ"ທີ່ສ້າງໃນໄລຍະປົກຄອງແບບລ່າເມືອງຂຶ້ນໂຮນລັງ,"ກົດໝາຍວ່າດ້ວຍສັນຊາດ"ສະບັບໃໝ່ໄດ້ຍົກເລີກມາດຕາທີ່ດູໝິ່ນຊົນເຜົ່າຈີນແລະຊົນເຜົ່າສ່ວນໜ້ອຍອື່ນໃນດ້ານເຊື້ອຊາດ ເພດແລະການສ້າງຄອບຄົວ,ກົດໝາຍລະບຸໄວ້ວ່າ ຜູ້ທີ່ເກີດຢູ່ອິນໂດເນເຊຍແລະບໍ່ໄດ້ຮັບເອົາສັນຊາດຕ່າງປະເທດນັ້ນລ້ວນແຕ່ແມ່ນພົນລະເມືອງອິນໂດເນເຊຍ,ທຸກເຊື້ອຊາດແລະຝູງຊົນລ້ວນແຕ່ມີສິດແລະພັນທະຄືກັນ.
"ກົດໝາຍວ່າດ້ວຍສັນຊາດ"ສະບັບໃໝ່ຍັງລະບຸໄວ້ວ່າ,ລູກຂອງຄູ່ຜົວເມຍທີ່ສັນຊາດຕ່າງກັນ ກ່ອນ 18 ປີແມ່ນໃຫ້ໃຊ້ສັນຊາດອິນໂດເນເຊຍ,ຫຼັງ 18 ປີແລ້ວສາມາດເລືອກສັນຊາດໂດຍຕົນເອງ.ສ່ວນອີງຕາມ"ກົດໝາຍວ່າດ້ວຍສັນຊາດ"ສະບັບເກົ່າແລ້ວ,ຊາວອິນໂດເນເຊຍເມື່ອແຕ່ງງານກັບຄົນຕ່າງປະເທດແລ້ວ,ຈະເສຍສັນຊາດອິນໂດເນເຊຍໂລດ.
|
|
|
