|
|
 |
| (GMT+08:00)
2006-08-12 18:43:19
|
 |
|
ສະພາມົນຕີສິດທິມະນຸດສະຫະປະຊາຊາດຜ່ານມະຕິກ່າວປະນາມອິສຣາແອນທີ່ລ່ວງລະເມີດສິດທິມະນຸດຢູ່ລີບັງ
cri
ຕາມຂ່າວCRI,ວັນທີ11ສິງຫາຢູ່ເຊີແນວ,ກອງປະຊຸມວິສາມັນຂອງສະພາມົນຕີສິດທິມະນຸດສະຫະປະຊາຊາດໄດ້ປ່ອນບັດຜ່ານຮັບຮອງມະຕິ,ກ່າວປະນາມການເຄື່ອນໄຫວການທະຫານຂອງອິສຣາແອນຢູ່ລີບັງທີ່ໄດ້ລ່ວງລະເມີດສິດທິມະນຸດຢ່າງໜັກໜ່ວງ,ແລະຮຽກຮ້ອງໃຫ້ສຳຫຼວດເລື່ອງນີ້.
ມະຕິດັ່ງກ່າວໄດ້ກ່າວປະນາມຢ່າງຮຸນແຮງຕໍ່ອິສຣາແອນທີ່ຖິ້ມລະເບີດຢ່າງຂະໜາດໃຫຍ່ໃສ່ສິ່ງກໍ່ສ້າງໃຊ້ທາງພົນລະເຮືອນແລະສາມັນຊົນລີບັງ;ຮຽກຮ້ອງໃຫ້ອິສຣາແອນຢຸດຕິການເຄື່ອນໄຫວການທະຫານທີ່ລ່ວງລະເມີດສິດທິມະນຸດໃນທັນທີ,ແລະເຄົາລົບກົດໝາຍສິດທິມະນຸດແລະກົດໝາຍມະນຸດສະທຳສາກົນ.
ມະຕິດັ່ງກ່າວຕົກລົງຈັດຕັ້ງຄະນະກຳມະການສຳຫຼວດຊັ້ນສູງໃນທັນທີ,ເພື່ອສຳຫຼວດສະພາບທີ່ອິສຣາແອນໂຈມຕີເປົ້າໝາຍພົນລະເຮືອນແລະສັງຫານສາມັນຊົນຢູ່ລີບັງ,ຮຽກຮ້ອງໃຫ້ເລຂາທິການໃຫຍ່ສະຫະປະຊາຊາດແລະຂ້າຫຼວງໃຫຍ່ຊັ້ນສູງດ້ານວຽກງານສິດທິມະນຸດຂອງສະຫະປະຊາຊາດຈົ່ງອຳນວຍຄວາມສະດວກແລະການຊ່ອຍເຫຼືອໃຫ້ແກ່ຄະນະກຳມະການສຳຫຼວດ;ຮຽກຮ້ອງໃຫ້ປະຊາຄົມໂລກຈົ່ງສະໜອງການຊ່ອຍເຫຼືອດ່ວນແກ່ລີບັງ.
|
|
|
