|
ເຂດຊາຍແດນມຽນມາພະຍາຍາມປັບປຸງຜົນການປາບຢາເສບຕິດໃຫ້ໝັ້ນຄົງ
cri
Author: cai
ຕາມຂ່າວສານຊີນຮວາ:ວັນທີ 15 ສິງຫາ,ທ່ານລີນຮົງເຊັງ ເລຂາທິການໃຫຍ່ເຂດພິເສດທີສີ່ຂອງລັດຊານມຽນມາເວົ້າວ່າ,ທ້ອງຖິ່ນດັ່ງກ່າວພວມພະຍາຍາມພັດທະນາເສດຖະກິດຂອງເຂດຊາຍແດນ,ປັບປຸງຜົນການປາບຢາເສບຕິດໃຫ້ໝັ້ນຄົງ.
ມື້ດຽວກັນ,ຢູ່ຫໍປາບຢາເສບຕິດຂອງເຂດພິເສດ,ທ່ານລີນຮົງເຊັງເຜີຍໃຫ້ຮູ້ວ່າ,ແຕ່ປີ 1989 ເປັນຕົ້ນມາ,ອົງການປະກອບອາວຸດທ້ອງຖິ່ນກໍ່ໄດ້ເລີ່ມລົງລອຍກັນກັບລັດຖະບານ,ເມື່ອຮອດປີ 1997,ທ້ອງຖິ່ນດັ່ງກ່າວໄດ້ປະກາດເປັນ"ເຂດປອດຕົ້ນຝິ່ນ".ດຽວນີ້,ໄທບ້ານຢູ່ເຂດພິເສດໄດ້ປູກຕົ້ນຢາງພາລາມາເຂົ້າແທນຕົ້ນຝິ່ນ,ປະຈຸບັນ,ໄດ້ມີເນື້ອທີ່ 2 ໝື່ນເຮັກຕາແລ້ວ,ມີອະນາຄົດເຫັນໄປໃນແງ່ດີທີ່ສຸດ,ທັງນີ້ໄດ້ຢັ້ງຢືນໃຫ້ເຫັນວ່າ,ການເກືອດຫ້າມບໍ່ໃຫ້ປູກຕົ້ນຝິ່ນຢ່າງຮອບດ້ານກໍ່ແມ່ນການເລືອກເອົາທີ່ຖືກຕ້ອງ.ເຂດວາເຊິ່ງເປັນເຂດພິເສດທີສອງກໍ່ໄດ້ກາຍເປັນ"ເຂດປອດຕົ້ນຝິ່ນ"ໃນປີ 2005.
|
|
