|
ຕາມຂ່າວສານຊິນຮວາ:ວັນທີ16ສິງຫາ,ເຈົ້າໜ້າທີ່ອາວຸໂສເສດຖະກິດ10ປະເທດອາຊຽນໄດ້ຈັດກອງປະຊຸມຢູ່ກົວລະລຳເປີ,ຫາລືບັນຫາກ່ຽວກັບການສ້າງເຂດການຄ້າເສລີອາຊຽນແລະບັນຫາອື່ນໆ,ທຳການກະກຽມໃຫ້ແກ່ກອງປະຊຸມລັດຖະມົນຕີເສດຖະກິດອາຊຽນຄັ້ງທີ38ທີ່ຈະຈັດຂຶ້ນໃນໄວໆນີ້.
ໃນໄລຍະກອງປະຊຸມເຈົ້າໜ້າທີ່ອາວຸໂສທີ່ຈະຈັດຂຶ້ນ4ມື້,ຜູ້ຮ່ວມປະຊຸມຈະຫາລືບັນຫາຕ່າງໆ,ເຊັ່ນ,ຂະບວນວິວັດອາຊຽນຫຼຸດຫຼືຍົກເວັ້ນພາສີ,ແຜນການໄລຍະທີສອງກ່ຽວກັບການປັດປຸງ11ຂົງເຂດອຸດສາຫະກຳກ່ອນໝູ່,ຂະບວນວິວັດສ້າງ"ກົນໄກປ່ອງຢ້ຽມດຽວ"ຂອງອາຊຽນເປັນຕົ້ນ,ຍັງຈະຄົ້ນຄວ້າຫາລືຂໍ້ລິເລິ່ມໃໝ່ຕ່າງໆ ເຊັ່ນ,ສ້າງກົນໄກອະນຸລັກສິດຜົນປະໂຫຍດຂອງຜູ້ບໍລິໂພກອາຊຽນເປັນຕົ້ນ,ເພື່ອເລັ່ງລັດບັນລຸການກໍ່ສ້າງເຊື່ອມໂຍງເສດຖະກິດອາຊຽນເຂົ້າເປັນອັນໜຶ່ງອັນດຽວກັນ.
ກອງປະຊຸມຄັ້ງນີ້ຍັງຈະຫາລືບັນຫາຕ່າງໆ ເຊັ່ນ,ອາຊຽນກັບຄູ່ຂາເຈລະຈາເພິ່ມທະວີການຮ່ວມມືດ້ານເສດຖະກິດເປັນຕົ້ນ,ໃນນັ້ນ,ກວມທັງບັນຫາຕ່າງໆ ເຊັ່ນ,ຫາລືພິຈາລະນາສັນຍາກ່ຽວກັບການພົວພັນໝູ່ຄູ່ເສດຖະກິດຮອບດ້ານອາຊຽນ-ຍີ່ປຸ່ນຕື່ມອີກແລະສັນຍາຂອບກ່ຽວກັບການຄ້າແລະການລົງທຶນອາຊຽນ-ອາເມລິກາເປັນຕົ້ນ.
|
