|
ຫວຽດນາມມີຫວັງເຂົ້າຮ່ວມWTOໃນເດືອນຕຸລາປີນີ້
cri
Author: mo
ຕາມສື່ມວນຊົນຫວຽດນາມລາຍງານໃນຫວ່າງມໍ່ໆນີ້ວ່າ: ເດືອນກັນຍາປີນີ້, ຫວຽດນາມຈະຈັດການເຈລະຈາບໍ່ເປັນທາງການຫຼາຍຮອບກັບໜ່ວຍງານWTO, ເພື່ອແກ້ໄຂບັນຫາຄົງຄ້າງກ່ຽວກັບຫວຽດນາມເຂົ້າຮ່ວມWTO, ແລະປົວແປງບົດລາຍງານດ້ານເຕັກນິກໃຫ້ສົມບູນຂຶ້ນ. ກະວ່າ, ໃນກອງປະຊຸມສະມາຊິກWTOທີ່ຈະຈັດຂຶ້ນໃນເດືອນຕຸລາ, ຫວຽດນາມຈະຖືກຮັບເຂົ້າເປັນສະມາຊິກWTOຢ່າງເປັນທາງການ.
ຂ່າວແຈ້ງວ່າ, ຫວ່າງມໍ່ໆນີ້, ລັດຖະບານຫວຽດນາມສັ່ງໃຫ້ກະຊວງການຄ້າຫວຽດນາມນຳໜ້າ, ຮ່ວມກັບພາກສ່ວນທີ່ກ່ຽວຂ້ອງວາງແຜນການດຳເນີນງານກ່ຽວກັບການປະຕິບັດຄຳໝັ້ນສັນຍາຂອງWTO, ແລະຈະຍື່ນໃຫ້ກອງປະຊຸມສາມັນຂອງລັດຖະບານຜ່ານຮັບຮອງໃນເດືອນຕຸລາປີນີ້. ຂະນະດຽວກັນ, ນາຍົກລັດຖະມົນຕີຫວຽດນາມຮຽກຮ້ອງໃຫ້ກະຊວງການເງິນປະກາດເນື້ອໃນຂອງຄຳໝັ້ນສັນຍາແລະແຜນການຫຼຸດພາສີຂອງຫວຽດນາມ.
|
|
