|
ພາກກາງແລະພາກເໜືອຂອງຫວຽດນາມເກີດໄພນ້ຳຖ້ວມ, 19 ຄົນເສຍຊີວິດ, ຫຼາຍພັນຄົນຖືກຍົກຍ້າຍ
cri
Author: MO
ຕາມຂ່າວສານຊີນຮວາ: ວັນທີ 18 ສິງຫາ, ລັດຖະບານຫວຽດນາມອອກຄຳສັ່ງໃຫ້ໄທເມືອງຫຼາຍພັນຄົນຍົກຍ້າຍຢ່າງຮີບດ່ວນ, ເພື່ອຫຼົບຫຼີກໄພນ້ຳຖ້ວມແລະຫີນຕົມໄຫຼ.
ບົດລາຍງານສະບັບໜຶ່ງຂອງລັດຖະບານຂຽນວ່າ, ຢູ່ພາກກາງແລະພາກເໜືອຫວຽດນາມ, ຝົນຕົກແຮງຫຼາຍມື້ລຽນຕິດ, ເຮັດໃຫ້ເກີດໄພນ້ຳຖ້ວມແລະພູເຈື່ອນ, ຢ່າງໜ້ອຍໄດ້ມີ 19 ຄົນເສຍຊີວິດແລ້ວ. ໄພນ້ຳຖ້ວມຍັງໄດ້ຖ້ວມນາເຂົ້າແລະເຂົ້າສາລີເກືອບ 4 ໝື່ນເຮັກຕາ, ແລະເຮືອນຊານ 5 ພັນກວ່າຫຼັງ, ເຮັດໃຫ້ຫຼາຍພັນຄົນຈຳເປັນຕ້ອງຖອນໜີ.
ວັນທີ 18 ສິງຫາ, ສູນປ້ອງກັນແລະຄວບຄຸມໄພນ້ຳຖ້ວມແລະຝົນຫ່າໃຫຍ່ແຫ່ງຊາດຫວຽດນາມກໍຖະແຫຼງຂ່າວວ່າ, ພາກກາງແລະພາກເໜືອຫວຽດນາມຍັງຈະມີຝົນຫ່າໃຫຍ່ຕົກອີກໄລຍະໜຶ່ງ.
|
|
