|
|
 |
| (GMT+08:00)
2006-08-19 19:12:55
|
 |
|
ກອງປະຊຸມພະຍາດເອດໂລກຄັ້ງທີ 16 ໄດ້ອັດລົງ
cri
Author: da
ຕາມຂ່າວCRI: ກອງປະຊຸມພະຍາດເອດໂລກຄັ້ງທີ 16 ທີ່ດຳເນີນມາເປັນເວລາ 6 ມື້ໄດ້ອັດລົງຢູ່ໂຕໂລນໂຕແຫ່ງການາດາໃນວັນທີ 18 ສິງຫາເວລາທ້ອງຖິ່ນ,ຜູ້ແທນ 2 ໝື່ນ 4 ພັນຄົນທີ່ເຂົ້າຮ່ວມກອງປະຊຸມໄດ້ຮຽກຮ້ອງອີກຄັ້ງໜຶ່ງໃຫ້ບັນດາປະເທດເພີ່ມການລົງທຶນ,ເພີ່ມທະວີການຮ່ວມມືກັນ,ຮັບມືກັບການຂົ່ມຂູ່ຈາກພະຍາດເອດ.
ໃນກອງປະຊຸມຄັ້ງນີ້ ຜູ້ຊ່ຽວຊານແລະນັກປາດທີ່ເຂົ້າຮ່ວມກອງປະຊຸມໄດ້ປະກາດຜົນການຄົ້ນຄວ້າການປ້ອງກັນແລະປິ່ນປົວພະຍາດເອດທີ່ກ່ຽວຂ້ອງພັນກວ່າລາຍ.ຜູ້ຊ່ຽວຊານຊີ້ອອກວ່າ,ການປ້ອງກັນແລະປິ່ນປົວພະຍາດເອດໃນທົ່ວໂລກຍັງມີຄວາມຫຍຸ້ງຍາກຫຼວງຫຼາຍຢູ່,ເຊັ່ນ:ຂາດທຶນ ຝູງຄົນຈຸດໜັກມີສະຕິອ່ອນຕໍ່ການປ້ອງກັນແລະປິ່ນປົວພະຍາດ ລາຄາຢາແພງ ແພດໄປເຮັດວຽກອື່ນ.ສະນັ້ນ,ຜູ້ເຂົ້າຮ່ວມກອງປະຊຸມໄດ້ຮຽກຮ້ອງບັນດາປະເທດເພີ່ມການລົງທຶນ,ເພີ່ມທະວີການຮ່ວມມືກັນ,ໃນຂະນະເລັ່ງລັດຄົ້ນຄວ້າວັກແຊງແລະເຕັກນິກປ້ອງກັນພະຍາດເອດ,ຍັງຕ້ອງຍາດແຍ່ງ ໂອກາດຍິ່ງຫຼາຍໃຫ້ຜູ້ເປັນພະຍາດພະຍາດເອດຮັບການປິ່ນປົວ.
ອີງຕາມຕົວເລກຂອງສຳນັກງານແຜນການພະຍາດເອດສະຫະປະຊາຊາດ,ແຕ່ປົ່ງມະຕິເປັນພະຍາດເອດຄົນທຳອິດເມື່ອປີ1981ເປັນຕົ້ນມາ,ພະຍາດເອດໄດ້ເຮັດໃຫ້25 ລ້ານຄົນເສຍຊີວິດ.ນັບມາຮອດທ້າຍປີກາຍ,ຄາດວ່າໃນທົ່ວໂລກມີຜູ້ຕິດເຊື້ອພະຍາດພະຍາດເອດ 38 ລ້ານ 6 ແສນຄົນ.ໃນຜູ້ເປັນພະຍາດເອດຕ້ອງການປິ່ນປົວ,ມີພຽງແຕ່ 20%ມີໂອກາດຮັບການປິ່ນປົວ.
|
|
|
