|
|
 |
| (GMT+08:00)
2006-08-19 19:15:41
|
 |
|
ທະຫານອິສລະແອນຈັບຕົວຮອງນາຍົກລັດຖະມົນຕີລັດຖະບານປົກຄອງຕົນເອງຂອງປາເລັສຕີນ
cri
Author: da
ຕາມຂ່າວສານຊິນຮວາ:ວັນທີ 19 ສິງຫາ ສະມາຊິກສະພານິຕິບັນຍັດປາເລັສຕີນ2ຄົນຢືນຢັນວ່າ,ມື້ດຽວກັນ ກອງທະຫານອິສລະແອນໄດ້ຈັບຕົວທ່ານອານ ຊາອິວ ເຈົ້າໜ້າທີ່ຊັ້ນສູງຂອງອົງການຮາມາສ ຮອງນາຍົກລັດຖະມົນຕີລັດຖະບານປົກຄອງຕົນເອງຂອງປາເລັສຕີນ.
ເມຍຂອງທ່ານຊາອິວເວົ້າວ່າ,ທ່ານຊາອິວແມ່ນຖືກທະຫານອິສລະແອນຈັບໄປໃນເຮືອນຢູ່ເມືອງລາມາລາທີ່ຝັ່ງຕາເວັນຕົກແມ່ນ້ຳຈໍແດນຊອກດານີໃນຍາມຂ້ອນແຈ້ງ.ໂຄສົກຜູ້ໜຶ່ງຂອງກອງທະຫານບົກອິສລະແອນໄດ້ຢືນຢັນຂ່າວດັ່ງກ່າວ,ແລະກ່າວວ່າທ່ານຊາອິວແມ່ນສະມາຊິກອົງການກໍ່ການຮ້າຍ.
ທ່ານເອຣາຄາ ຜູ້ແທນເຈລະຈາຜູ້ທີໜຶ່ງຂອງປາເລັສຕີນໄດ້ກ່າວປະນາມການຈັບຕົວຂອງທະຫານອິສລະແອນ,ເຫັນວ່າ ການກະທຳດັ່ງກ່າວຈະເຮັດໃຫ້ຄວາມພະຍາຍາມຂອງທ່ານອາບາສ ປະທານອົງການອຳນາດແຫ່ງຊາດປາເລັສຕີນໃນຫວ່າງມໍ່ໆນີ້ທີ່ຈັດຕັ້ງລັດຖະບານປະສົມແລະຍາດແຍ່ງໃຫ້ປະເທດຝ່າຍຕາເວັນຕົກຜ່ອນຄາຍການຈຳກັດການສະໜັບສະໜູນລັດຖະບານຮາມາສນັ້ນສັບສົນກວ່າເກົ່າ.
|
|
|
