|
ຕາມຂ່າວcri:ວັນທີ18 ສິງຫາ,ທ່ານສຸລິຢາ ເລຂາທິການໃຫຍ່ພັກໄທຮັກໄທເຊິ່ງເປັນພັກກຳອຳນາດຂອງໄທກ່າວວ່າ,ພັກໄທຮັກໄທສືບຕໍ່ສະໜັບສະໜູນທ່ານທັກສິນ ຊິນນະວັດ ນາຍົກລັດຖະມົນຕີລັດຖະບານຮັກສາການທັງເປັນປະທານພັກໄທຮັກໄທແຂ່ງຂັນເລືອກຕັ້ງນາຍົກລັດຖະມົນຕີລັດຖະບານຊຸດໜ້າ.
ທ່ານສຸລິຢາກ່າວວ່າ,ຄວາມເຫັນຢູ່ໃນພັກໄທຮັກໄທຕໍ່ຜູ້ສະໝັກຮັບເລືອກຕັ້ງນາຍົກລັດຖະມົນຕີແມ່ນ"ເປັນເອກະສັນກັນທີ່ສຸດ",ບໍ່ໄດ້ລັ່ງເລໃຈຍ້ອນວ່າທ່ານສຸກິດ ຮອງນາຍົກລັດຖະມົນຕີລັດຖະບານຮັກສາການຊົ່ວຄາວທັງເປັນລັດຖະມົນຕີການຄ້າມີອິດທິພົນນັບມື້ນັບສູງຂຶ້ນ.ທ່ານກ່າວວ່າ,ສະມາຊິກພັກໄທຮັກໄທເຫັນວ່າ,ມີແຕ່ຢູ່ໃຕ້ການນຳພາຂອງທ່ານທັກສີນ ຊິນນະວັດ,ພັກນີ້ຈຶ່ງອາດຈະຮັບໄຊຊະນະໃນການເລືອກຕັ້ງສະພາຜູ້ແທນລາດຊະດອນໃນເດືອນຕຸລາປີນີ້ໄດ້.
ຫວ່າງມໍ່ໆນີ້,ຢູ່ໄທມີຫາງສຽງເຫັນວ່າພາຍໃນພັກໄທຮັກໄທປະກົດມີຄວາມເຫັນແຕກຕ່າງກັນໃນບັນຫາເລືອກເອົາຜູ້ສະໝັກຮັບເລືອກຕັ້ງນາຍົກລັດຖະມົນຕີ,ທ່ານທັກສິນ ຊິນນະວັດບໍ່ໄດ້ຮັບການສະໜັບສະໜູນຈາກຜູ້ສຳຄັນສ່ວນໜຶ່ງພາຍໃນພັກແລ້ວ.ການສະແດງທ່າທີຂອງທ່ານສຸລິຢາກໍ່ແມ່ນແນໃສ່ການຄາດຄະເນເຫຼົ່ານີ້.
|
