ຕາມ​ຂ່າວສານ​ຊິນ​ຮວາ:​ເນື່ອງ​ໃນ​ໂອກາດ"ສັບປະດາ​ນ້ຳ​ຂອງໂລກ"​ຈະວຽນມາ​ເຖິງ, ວັນ​ທີ20ສິງຫາ ຢູ່​ຝຣັ່ງ ທ່ານຟຼາຄ໌ ​ໄຣອິສ​ແບກ​ມານ ຫົວໜ້າ​ສະ​ຖາ​ບັນ​ຄົ້ນຄວ້າ​ການຄຸ້ມ​ຄອງຊັບພະຍາກອນ​ນ້ຳສາກົນ​ເວົ້າວ່າ,ຍ້ອນ​ປັດ​ໄຈທາງ​ມະນຸດ,ປະຈຸ​ບັນ ​ໃນປະຊາກອນ​ທົ່ວ​ໂລກ​ມີ 1 ສ່ວນ 3 ປະ​ເຊີນ​ກັບ​ບັນຫາ​ຂາດ​​ເຂີນນ້ຳ.

ທ່ານ​ໄຣອິສ​ແບກ​ມານ​ເວົ້າວ່າ,ບັນຫາ​ຂາດ​ເຂີນນ້ຳ​ໃນທົ່ວ​ໂລກ​​ສະ​ເພາະ​ໜ້າ​ນີ້ ສຳຄັນມີ​ສອງ​ປະ​ເພດ,ປະ​ເພດໜຶ່ງ​ແມ່ນຊັບພະຍາກອນ​ນ້ຳຖືກ​ບຸກ​ເບີກ​ເອົາ​ຫຼາຍ​ໂພດ,​ເຮັດ​ໃຫ້​ແມ່ນ້ຳ​​ເຫືອດແຫ້ງ​ແລະ​ລະດັບ​ນ້ຳ​ບາ​ດານ​ບົກ​ລົງ​ຢ່າງ​ໜັກ​ໜ່ວງ;ສອງ​ ​ເຖິງ​ວ່າ​ຢູ່​ບາງ​ເຂດ ຊັບ​ພະຍາກອນ​ນ້ຳ​ອຸດົມສົມບູນ​ທີ່​ສຸດ,​ແຕ່ທ້ອງ​ຖິ່ນ​ບໍ່​ມີ​ທຶນຮອນ​ແລະ​ເຕັກນິກ​ຂັງ​ນ້ຳ​ໄວ້.ທ່ານ​ຊີ້​ອອກ​ວ່າ,ການ​ແກ້​ໄຂ​ບັນຫາ​ຂາດ​ເຂີນນ້ຳ ດ້ານ​ໜຶ່ງ​ຕ້ອງໃຊ້​ນ້ຳ​ໃຫ້​ເໝາະ​ສົມ,ຢ່າ​ຂຸດ​ຄົ້ນ​ເອົາຫຼາຍ​ເກີນ​ໄປ,ອີກ​ດ້ານ​ໜຶ່ງ​ຕ້ອງ​ຂັງ​ນ້ຳ​ໄວ້​ໃຫ້ຫຼາຍ.

ທ່ານ​ຍັງ​ເວົ້າວ່າ,ການ​​ໃຊ້​ນ້ຳ​ໃນ​ດ້ານກະ​ສິກຳ​ໄດ້​ຫຼາຍ​ກວ່າການໃຊ້​ນ້ຳ​ໃນ​ທົ່ວ​ໂລກ 74%​ແລ້ວ.​ເລື່ອງ​ຮີບ​ດ່ວນທີ່​ສຸດ​ໃນ​ສະ​ເພາະ​ໜ້າ​ນີ້​ແມ່ນ​​ໃຊ້​ນ້ຳ​ໃນດ້ານ​ກະສິກຳ​ໃຫ້​ໜ້ອຍ​ລົງ,ລວມ​ທັງ:ອອກ​ແຮງ​ຂະຫຍາຍແລະ​ເຜີຍ​ແຜ່​ການ​ໃຊ້ນ້ຳຝົນມາ​ຫົດ​ເຄື່ອງ​ປູກຝັງ ນຳ​ເຂົ້າ​ເຄື່ອງ​ປູກ​ຂອງ​ຝັງ​ທີ່​ບໍ່​ເປືອງ​ນ້ຳ​ແລະ​ທົນ​ແຫ້ງ​​ແລ້ງ ທັງສ້າງ​ເຂື່ອນນ້ຳຂະໜາດ​ນ້ອຍ​ແລະ​ລະບົບລະບາຍ​ນ້ຳ​ເປັນຕົ້ນ.