|
ເຈົ້າໜ້າທີ່ອາຊຽນກ່າວວ່າ, ອາຊຽນຈະເອົາໃຈໃສ່ນຳບັນຫາຫຼຸດສິ່ງກີດກັ້ນທີ່ບໍ່ແມ່ນອັດຕາພາສີ
cri
Author: mo
ຕາມຂ່າວສານຊີນຮວາ: ວັນທີ 21 ສິງຫາ, ພາຍຫຼັງສິ້ນສຸດກອງປະຊຸມຄະນະກຳມະການເຂດການຄ້າເສລີອາຊຽນຄັ້ງທີ 20 ແລ້ວ, ທ່ານອົງເຄັງຢົງ ເລຂາທິການໃຫຍ່ສະມາຄົມປະຊາຊາດອາຊີຕາເວັນອອກສຽງໃຕ້ຫຼືອາຊຽນກ່າວວ່າ, ກອງປະຊຸມເທື່ອນີ້ໄດ້ຢືນຢັນຜົນງານທີ່ອາຊຽນໄດ້ຮັບໃນດ້ານຫຼຸດຫຼືຍົກເວັ້ນພາສີໃນປັດຈຸບັນ, ຕໍ່ໄປພາຍໜ້າ, ອາຊຽນຍັງຈະເອົາໃຈໃສ່ນຳບັນຫາຫຼຸດສິ່ງກີດກັ້ນທີ່ບໍ່ແມ່ນອັດຕາພາສີ.
ກອງປະຊຸມເທື່ອນີ້ໄດ້ຈັດຂຶ້ນຢູ່ກົວລາລຳເປີ, ກອງປະຊຸມຍັງໄດ້ຜ່ານແຜນການວຽກງານສະບັບໜຶ່ງກ່ຽວກັບການຫຼຸດສິ່ງກີດກັ້ນທີ່ບໍ່ແມ່ນອັດຕາພາສີ, ເພື່ອຈັດເອົາບັນຫານີ້ເຂົ້າສູ່ວາລະປະຊຸມເທື່ອຕໍ່ໆໄປ.
|
|
